Qazaqstan Respublikasynyŋ Bas prokuraturasy men Qarjylyq monitoring agenttıgınıŋ qyzmetkerlerı Qazaqstannyŋ Vetnam Sosialistık Respublikasyndaǧy Elşılıgınıŋ qoldauymen atalǧan elden Qazaqstan Respublikasynyŋ azamatyn ekstradisiialady.
Tergep-tekseru organynyŋ nūsqasy boiynşa 2025 jylǧy qaŋtarda ol äleumettık jelıler men messendjerlerdegı auqymdy auditoriiany paidalana otyryp, syiaqy üşın zaŋsyz internet-kazino jarnamasyn ornalastyrǧan jäne Qazaqstan azamattaryn qūmar oiyndaryna qatysuǧa tartqan.
İnternet-kazinony nasihattaǧany üşın onyŋ kriptovaliutalyq ämiianyna 200 myŋ AQŞ dollary tüsken.
Jalpy, qylmystyq toptyŋ qatysuşylary 2021 jyldan bastap 2025 jyldy qosa eseptegen merzımde Qazaqstanda bırneşe zaŋsyz onlain-kazinonyŋ qyzmetın ūiymdastyryp, tölem terminaldary arqyly 106 mlrd teŋgeden astam qarajatty zaŋsyz iemdengen.
Osy oraida, qylmystyq toptyŋ 9 sybailas qatysuşysy qamauǧa alynǧanyn, al qalǧandaryn, onyŋ ışınde joǧaryda atalǧan küdıktıge de halyqaralyq ızdestıru jariialanǧanyn atap ötken jön.
Aǧymdaǧy jylǧy mausym aiynda Işkı ıster ministrlıgınıŋ İnterpol Ūlttyq ortalyq biurosynyŋ saualy boiynşa ol Vetnam aumaǧynda ūstalyp, Bas prokuraturanyŋ sūrau saluy negızınde Qazaqstanǧa ekstradisiialandy.
Qazırgı uaqytta küdıktı tergeu izoliatorynda küzetpen qamauǧa alyndy.
Küdıktıge taǧylyp otyrǧan aiyp boiynşa oǧan sol äreketti jasaǧany üşin mülki tärkilenip, jeti jylǧa deiingi merzimge bas bostandyǧynan aiyru jazasyn taǧaiyndau közdelgen.
Bas prokuraturanyŋ baspasöz qyzmetı