Tergeu barysynda 2022 jyldan bastap erlı-zaiypty Qarsenovtar qoldan jasalǧan aksizdık markalaryn jäne etil spirtın paidalanyp, zaŋsyz alkogol önımderın öndırudı ūiymdastyrǧany belgılı boldy. Önım Şymkent qalasynda ǧana emes, sondai-aq körşıles Türkıstan jäne Jambyl oblystarynda da satylǧan.
Tıntu barysynda 9 myŋ litrden astam etil spirtı, 24 myŋnan astam jalǧan aksiz markalary, ärtürlı markaly daiyn alkogol önımderı jäne 75 mln teŋge kölemınde aqşalai qarajat tärkılendı.
«Follow the money» prinsipı boiynşa jürgızılgen qarjylyq tergeu nätijesınde jasyryn sehtyŋ 309 mln teŋgeden astam somadaǧy barlyq qylmystyq kırısterı anyqtaldy.
Qylmystyq jolmen alynǧan qarajatqa küdıktıler jalpy qūny 234 mln tengenı qūraityn 13 qymbat kölık («Toyota Land Cruiser 300», «ZEEKR 001», «KIA K8», «Hyundai Grandeur», «VOLVO» jäne t.b.) satyp alǧan, tärkıleuden jasyru maqsatynda olardyŋ bır bölıgın jaqyn tuystaryna räsımdelgen.
Sot ükımımen atalǧan tūlǧalar zaŋsyz käsıpkerlık (QK 214-babynyŋ 2-bölıgı, 2-tarmaǧy), aksizdeletın tauarlardyŋ taŋbalau tärtıbı men erejelerın būzu (QK 233-babynyŋ 2-bölıgı), qylmystyq jolmen alynǧan aqşa men mülıktı zaŋdastyru (QK 218-babynyŋ 3-bölıgı, 3-tarmaǧy) boiynşa kınälı dep tanyldy.
Sot olarǧa 5 jäne 6 jylǧa bas bostandyǧynan aiyru jazasyn taǧaiyndady. Memleket kırısıne qylmystyq jolmen tapqan qarajatqa satyp alynǧan 13 kölık pen 75 million teŋge tärkılendı.
QMA azamattardyŋ densaulyǧyna qauıptı surrogattyq alkogol önımderın satudyŋ jäne tūtynudyŋ aitarlyqtai qauıp töndıretının eskertedı. Tehnologiialyq prosesterdı būzyp, sertifikattalmaǧan ingredientterdı qoldanu arqyly daiyndalǧan osyndai susyndar qūramynda ulanuǧa, auyr dertke, tıptı ölımge soqtyratyn qauıptı zattar boluy mümkın.
Eger Sız ekonomikalyq qūqyq būzuşylyqtar turaly mälımet bılseŋız, ony «AFM Insider» telegram-botyna habarlauyŋyzdy sūraimyz.
Anonimdılık kepıldendırılgen.