Serıktestıktıŋ negızgı maqsaty – azamattarǧa tez, tiımdı jäne qauıpsız türde bılıktı qūqyqtyq kömek aluǧa mümkındık beretın tehnologiialyq şeşımderdı damytu.
Özara serıktestık Jİ tehnologiialaryn damytudy, bılım beru bastamalaryn, halyqqa qajettı özektı qūqyqtyq problemalardy anyqtau maqsatynda zertteuler jürgızudı qamtityn bolady.
"Memleket basşysy ärbır sifrlyq reforma, äsırese, zaŋ kömegıne qol jetkızu şektelgen şalǧai aimaqtardaǧy adamdar üşın neǧūrlym qoljetımdı sot törelıgıne jasalǧan qadam ekenın atap ötken bolatyn. Sondyqtan osy baǧyttaǧy bızdıŋ bırlesken küş-jıgerımız halyqqa arnalǧan qūqyqtyq qyzmetterdıŋ qoljetımdılıgın arttyrudyŋ, kedergılerdı azaitudyŋ jäne qūqyqty qoldanu prosesterın jedeldetudıŋ maŋyzdy bölıgıne ainalady" - dedı Ädılet vise-ministrı Bekbolat Moldabekov.
Özara yntymaqtastyq jasandy intellekt şeşımderın zaŋ salasyna integrasiialauǧa negızdelgen. Būl paidalanuşylar üşın de, käsıpqoilar üşın de jaŋa mümkındıkterdı aşady.
Memorandumǧa säikes, Ädılet ministrlıgı äzırleuşılerge derbes derekterdı qorǧau turaly zaŋnamany saqtai otyryp, qosymşanyŋ dūrys jūmys ısteuı üşın qajettı qūqyqtyq derekterge qol jetkızuge mümkındık beredı. Būl halyqqa «IPrav» mobildı qosymşasynyŋ funksionalyna jyldam ärı sapaly qol jetkızudı qamtamasyz etedı.
«Bız üşın memorandumǧa qol qoiu – būl IPrav damuynyŋ jaŋa kezeŋı ǧana emes, sonymen qatar ülken mümkındık. Bız Ädılet ministrlıgımen qol jetımdı jäne zamanaui qūqyqtyq jüienı qūru üşın küş-jıgerdı bırıktırude zor äleuettı körıp otyrmyz», - dedı «IPrav» JŞS direktory Jūldyz Erjanova.
Yntymaqtastyq Qazaqstan azamattaryna, äsırese auyldyq jäne şalǧai öŋırlerındegı azamattarǧa qūqyqtyq kömekke yŋǧaily jäne jedel qol jetkızudı qamtamasyz etuge baǧyttalǧan.
Bız tehnologiiany halyq pen qūqyqtyq jüie arasyndaǧy köpırge ainaldyru mındetın qoiyp otyrmyz. Sifrlandyru qūqyqtyq sauattylyqty arttyru jäne Qazaqstannyŋ ärbır tūrǧyny özınıŋ tūrǧylyqty jerıne qaramastan kömek alyp, öz qūqyqtaryn qorǧai alatyn jaǧdai jasau üşın jaŋa mümkındıkterdı aşatynyn aityp öttı IPrav negızın qalauşy Qanyş Kenjetaev.
Sondai-aq, bırlesken innovasiialyq jobalar men pilottyq baǧdarlamalardy ıske asyru, ministrlıktıŋ memlekettık qyzmetşılerı men qyzmetkerlerı üşın oqytu sessiialaryn ötkızu josparlanuda, būl olardyŋ sifrlyq qūraldardy paidalanudaǧy qūzyretterın arttyruǧa mümkındık beredı.
IPrav mobildı qosymşasy – zaŋgerlık qyzmetterdı ızdeuge jäne onlain aluǧa bolatyn jaŋa qūral. Qazaqstandyq mamandar äzırlegen IT-startaptyŋ maqsaty – tūrǧylyqty jerıne qaramastan barlyq azamattarǧa bılıktı qūqyqtyq kömekke qol jetkızudı qamtamasyz etu.
Qosymşanyŋ erekşelıgı – maşinalyq oqytu prinsipterı boiynşa jūmys ısteitın kırıktırılgen Jİ kömekşısı - Äiteke chat-boty.
Qazırgı uaqytta virtualdy Jİ kömekşısın «Özıŋızdı alaiaqtardan qalai qorǧauǧa bolady?», «Jol-kölık oqiǧasy kezınde ne ısteu kerek?», «Tūtynuşylardyŋ qūqyqtaryn qalai qorǧauǧa bolady?». , «İpotekalyq nesienı tölemegen jaǧdaida ne bolady?», «Türlı äkımşılık qūqyqbūzuşylyq üşın aiyppūl kölemı qandai bolady?», «Mūrany qalai räsımdeuge bolady?» «Avtokölıktı qalai tırkeuge bolady?» degen siiaqty sūraqtarǧa jauap beru üiretılıp jatyr.
IPrav barlyq jas sanattary üşın tüsınıktı, qarapaiym ärı yŋǧaily interfeis ūsynady. Onda şūǧyl äreket etu üşın jaqyn jerdegı advokatpen bailanysuǧa mümkındık beretın SOS funksiiasy qarastyrylǧan. Būl äsırese şalǧaidaǧy tūrǧyndar üşın öte yŋǧaily. Mamandardyŋ reitingtık jüiesı taŋdaudyŋ aşyqtyǧyn jäne qyzmet sapasynyŋ joǧary deŋgeiın qamtamasyz etedı.
Jaqyn arada paidalanuşylardan kerı bailanys alu jäne onyŋ funksionalyn jaqsartu üşın messendjerler arqyly Äiteke botyna aşyq testıleu ötkızu josparlanyp otyr.