Qūqyq qorǧau jäne jergılıktı atqaruşy organdardyŋ bırlesken jūmysynyŋ nätijesınde öŋırde qoǧamdyq-saiasi tūraqtylyq saqtalyp, qylmys deŋgeiı ötken jyldyŋ säikes kezeŋımen salystyrǧanda 10 paiyzǧa tömendegen. Profilaktikalyq jūmystar küşeitılıp, esepte tūrǧan 1500-den astam azamatpen mobildı toptar jūmys jürgızgen. Sonyŋ nätijesınde asa auyr qylmystar, ūrlyq, mal ūrlyǧy, būzaqylyq jäne qorqytyp alu derekterı aitarlyqtai azaiǧan. Būl turaly Öŋırlık kommunikasiialar qyzmetınıŋ aqparat alaŋynda Qyzylorda oblysynyŋ prokurory Rizabek Ojarov baiandady.
"Qylmystyŋ aldyn alu prokuratura qyzmetınıŋ negızgı basymdyǧy. Bız tek qūqyq būzuşylyqty aşuǧa emes, onyŋ oryn aluyna jol bermeuge basymdyq berıp otyrmyz. Osy baǧyttaǧy keşendı şaralardyŋ nätijesınde öŋırdegı qylmystyq ahual tūraqtalyp keledı. Prokurorlar zaŋsyz şeşımderge jol bermei, 38 prosessualdyq şeşımdı kelısuden bas tartqan, 14 azamat uaqytşa ūstau izoliatorynan bosatylǧan. Tergeu sapasyn arttyru üşın myŋnan astam nūsqau berılıp, zaŋ būzuşylyqtarǧa jol bergen 310 qyzmetker tärtıptık jauapkerşılıkke tartyldy, – dedı oblys prokurory Rizabek Kärımūly.
Sonymen qatar öŋırde sifrlyq tehnologiialardy engızu jūmystary jalǧasuda. «IT TERGEU», «Smart braslet», «Kibervolonter», «Qylmyssyz öŋır» jobalary ıske asyrylyp, qylmystyq prosestı sifrlandyruǧa arnalǧan «TERGEU PRO» jüiesın engızu qolǧa alynǧan.
Prokuror internet-alaiaqtyqqa qatysty zaŋnamalyq özgerısterge de toqtaldy. Droperlık qyzmet üşın qylmystyq jauapkerşılık engızılgennen keiın oblysta 16 adamǧa qatysty aiyptau ükımı şyqqanyn aityp, tūrǧyndardy özderınıŋ banktık derekterın bögde adamdarǧa bermeuge şaqyrdy.
Eseptı kezeŋde prokuratura organdary 28 tekserıs jürgızıp, 266 myŋnan astam azamattyŋ, 5700-den astam käsıpkerdıŋ jäne 56 myŋnan astam kämeletke tolmaǧannyŋ qūqyqtaryn qorǧaǧan. «Taza Qazaqstan» aksiiasy aiasynda zaŋsyz qoqys oryndary joiylyp, qoǧamdyq oryndardy lastaǧan azamattar jauapkerşılıkke tartylǧan.
"Prokuraturanyŋ basty mındetı zaŋ üstemdıgın qamtamasyz etıp, är azamattyŋ qūqyǧyn qorǧau. Aldaǧy uaqytta da qoǧamdyq qauıpsızdıktı nyǧaitu, käsıpkerler men tūrǧyndardyŋ qūqyqtaryn qorǧau jäne qūqyq būzuşylyqtyŋ aldyn alu baǧytyndaǧy jūmystar jüielı türde jalǧasady, – dedı Rizabek Ojarov.
Sondai-aq oblys prokurory tūrǧyndardy prokuratura qūzyretıne qatysty mäseleler boiynşa är aptanyŋ seisenbı künı jeke qabyldauǧa daiyn ekenın jetkızdı.
Öŋırlık kommunikasiialar qyzmetı