5574 äskeri bölımı Memleket basşysynyŋ tapsyrmasymen Türkıstandaǧy qoǧamdyq tynyştyqty saqtau jäne tūrǧyndar men turisterdıŋ qauıpsızdıgın qamtamasyz etu maqsatynda aşylǧan.
General-maior A. Baltabekov äskeri bölımnıŋ materialdyq-tehnikalyq bazasymen tanysyp, tarihi şahardaǧy jauyngerlık qyzmettıŋ jai-japsaryna üŋıldı. Mūndaǧy 150 sarbaz jyl basynan berı 281 qūqyq būzuşylyqty anyqtaǧan.
Bas qolbasşynyŋ Türkıstan qalasyndaǧy qyzmettık ıssapary oblystyq Polisiia departamentınde de jalǧasty. Ol jerde jedel basqaru ortalyǧyn jäne kezekşı bölımdı aralap şyqty. Osydan soŋ ol qūqyqtyq tärtıp äskerınıŋ Şymkent qalasyndaǧy 6506 äskeri bölımıne atbasyn būrdy.
Aŋsaǧan Baltabekov äskeri bölım qolbasşylyǧymen özektı mäselelerdı talqylady. Jeke qūramnyŋ jaǧdaiyna nazar audaryp, sarbazdardyŋ sapaly tamaqpen jäne medisinalyq kömekpen qamtamasyz etıluın talap ettı. Äskeri qyzmetşılermen kezdesu ötkızıp, olardy tolǧandyrǧan sūraqtarǧa jauap berdı.
Būdan bölek 6698 äskeri bölımı men 6506 qūramasynyŋ 1 jedel maqsattaǧy batalony ornalasqan ǧimarattardyŋ jai-küiın kördı. Mäselelerdı şeşu joldaryn pysyqtap, jan-jaqty zerttep-zerdeleu qajettıgın atap öttı.
Aita keteiık, Ūlttyq ūlan Bas qolbasşysy äskeri qyzmetşılerdıŋ qyzmetıne tabys tılep, qūqyqtyq tärtıp pen qoǧamdyq qauıpsızdıktı nyǧaitu jolyndaǧy eŋbekterın joǧary baǧalady.