Oqiǧa keşkı uaqytta Esıl özenınıŋ jaǧalauyndaǧy qonaq üilerdıŋ bırınıŋ janynda oryn alǧan. Sol kezde äskeri jasaqtyŋ bastyǧy qatardaǧy Abzal Erǧali, patruldeuşıler qatardaǧy Älihan Aman jäne Tahir Jaiyq özderıne jüktelgen aumaqta patruldık qyzmet atqaryp jürgen.
Şamamen saǧat 21:00-de jasöspırımder ūlandyqtarǧa jügıngen. Olardyŋ aituynşa, jat qylyq tanytqan belgısız er adam olardy pyşaqqa ūqsas ötkır zatpen qorqytyp, şabuyl jasauǧa ärekettengen.
Ūlandyqtar oqiǧa turaly äskeri jasaqtar boiynşa kezekşı aǧa serjant Bekjan Däuletbaiǧa dereu habar berdı. Äskeri qyzmetşıler oqiǧa ornyna jedel jetıp, şabuyldauşyny ūstady.
- Jasöspırımderdıŋ qatty qorqyp qalǧanyn jäne olarǧa kömek qajet ekenın kördık. Uaqytymyz tyǧyz edı. Er adam agressivtı äreket jasap, ötkır zatpen qolyn sermep, qorqytu sözder aityp jatty. Bız nūsqaulyqqa säikes äreket ettık: onyŋ nazaryn basqa jaqqa audaryp, qaruyn tartyp alyp, zalalsyzdandyrdyq, - dedı qatardaǧy Abzal Erǧali.
Būzaqy ūstalyp, qūqyq qorǧau organdarynyŋ qyzmetkerlerıne tapsyryldy. Qazırgı uaqytta atalǧan fakt boiynşa tergeu amaldary jürgızılude.
QR IIM Ūlttyq ūlanynyŋ baspasöz qyzmetı