Qazaqstan Respublikasy Premer-ministrınıŋ bırınşı orynbasary Nūrlybek Nälıbaev negızgı investisiialyq jobalardy jüzege asyru mäselelerı boiynşa keŋes ötkızdı. Keŋes barysynda «Aidarly» jobasyn, Jetısu oblysynyŋ Kerbūlaq audanynda tau-ken baiytu kombinatyn salu, Köksai ken ornyn igeru jönındegı investisiialyq jobany, «Novodjambulskii fosfornyi zavod» JŞS, «Qazfosfat» JŞS jobalaryn, Kurchatov qalasynda quaty 700 MVt kondensasiialyq elektr stansasyn, Jezqazǧan JEO-da quaty 75 MVt bu-gaz qondyrǧysyn salu mäselelerı qaraldy.
Nūrlybek Nälıbaev öŋırler men önerkäsıptı damytuǧa baǧyttalǧan jobalardy tabysty jüzege asyru üşın Ükımet tarapynan jan-jaqty qoldau körsetu jalǧasatynyn rastady.
Jiyn barysynda jobalardy jüzege asyruǧa äser etetın mäselelerdı uaqtyly şeşu üşın memlekettık organdar men kompaniialardyŋ üilestırılgen jūmysyn qamtamasyz etu qajettılıgı atap ötıldı.
Keŋes qorytyndysy boiynşa müddelı memlekettık organdar men ūiymdarǧa qaralǧan investisiialyq jobalar jönındegı bastamalardy pysyqtau boiynşa bırqatar tapsyrmalar berıldı.
Ükımettıŋ baspasöz qyzmetı