Qūjatqa säikes, AEA Qyzylorda oblysynda «Batys Europa – Batys Qytai» halyqaralyq kölık dälızıne jaqyn 550 gektar aumaqta ornalasady.
Arnaiy ekonomikalyq aimaq aumaǧynda zamanaui önımdılıgı joǧary, bäsekege qabılettı öndırısterdı jedel damytu, qyzmet körsetudıŋ sapaly jaŋa deŋgeiın qalyptastyru, investisiia tartu, ekonomika salasynda jaŋa tehnologiialar engızu, sondai-aq halyqty jūmyspen qamtudy arttyru üşın mümkındıkter jasau josparlanuda. AEA-nyŋ «Batys Europa – Batys Qytai» halyqaralyq kölık dälızıne jaqyndyǧy Qazaqstan men Ortalyq Aziia naryqtarynda önımdı tiımdı ötkızuge mümkındık beredı.
AEA aumaǧynda salyqtyq jäne kedendık jeŋıldıkter ūsyna otyryp, arnaiy qūqyqtyq rejim äreket etetın bolady.
2049 jylǧa qarai AEA-ǧa salynatyn investisiianyŋ jalpy kölemın 150 mlrd teŋgege, şeteldık salymdardy – 80 mlrd teŋgege deiın jetkızu josparlanyp otyr. Tauarlar öndıru men qyzmet körsetu kölemı 500 mlrd teŋge deŋgeiınde boljanuda. Qazaqstandyq qamtu ülesı – 90%-ǧa deiın jetedı.
25 jyl ışınde AEA käsıporyndarynda 3 366 jaŋa jūmys ornyn aşu közdelgen, qatysuşy kompaniialardyŋ sany 39-ǧa jetkızıledı.
Sondai-aq multimodaldy äue habtaryn qūru jönındegı ıs-şaralardy ıske asyru şeŋberınde jäne keden zaŋnamasynyŋ talaptaryna säikes, atalǧan qaulymen «Oŋtüstık», «Astana – Tehnopolis», «Saryarqa», «Alatau» jäne «Aqtöbe» AEA-ǧa port aimaqtary märtebesı berıldı.
Äkımdıktıŋ baspasöz qyzmetı