Ükımet otyrysynan keiın jiyn ötkızıp, köterılgen mäseleler boiynşa jauapty sala basşylaryna tapsyrma jüktedı.
«Statistikalyq derekterge qaraǧanda, elımızdegı tötenşe jaǧdailardyŋ 90 paiyzy ört saldarynan bolady. Öŋırımızdıŋ qūrǧaq, jeldı klimatyn eskersek, dala örtterınıŋ tūtanu, tez taralu qaupı asa joǧary.
Dala örtterınıŋ aldyn alu üşın tūraqty monitoring jürgızıp, tiıstı şaralardy der kezınde qamtamasyz etu qajet. Orman, dala örtterınıŋ basym bölıgı tūrǧyndardyŋ, şaruaşylyqtardyŋ ört qauıpsızdıgı erejelerın saqtamauynan, jauapkerşılıktı sezınbeuınen tuyndaidy.
Jergılıktı şaruaşylyqtar tazalyq jūmystaryn jürgızerde orman mekemelerıne aldyn-ala habarlama beruı tiıs. Örttıŋ aldyn alu şaralarynyŋ tolyq ūiymdastyryluyn qataŋ baqylauǧa alyŋyzdar. Tabiǧi, adami faktorlardyŋ äserınen magistraldı jäne audanaralyq jol boiynda, egıs alqaptarynda qūrǧaq şöptıŋ janu qaupı joǧary. Orman alqaptarynda, egıstıkte baqylaudy küşeitu kerek.
Öŋırımızde su tasqynynyŋ aldyn aludyŋ keşendı şaralary qabyldanyp, 14 aqpannan bastap özen betınde mūz jürdı, nauryz aiynda tolyq tazartyldy. Kelgen mol su kölder jüiesıne jıberıldı. Özendegı su deŋgeiı magistraldı kanaldar men kölder jüielerıne su alu arqyly retteldı. Sudy tiımdı paidalanu jäne su basu aimaqtarynyŋ qauıpsızdıgın qamtamasyz etu asa maŋyzdy.
Bügıngı mäjılıste qaralǧan mäseleler özektı. Qataŋ baqylauda ūstap, merzımınde tiıstı şara qabyldau qajet», – dedı N.Nälıbaev.
Aita keteiık, örttıŋ aldyn aluda orman şaruaşylyǧy mekemelerınde 15 ört söndıru avtokölıgı, 10 dron jäne 65 tūraqty ört söndıruşı jasaǧy qyzmet atqaruda.
Soŋǧy 3 jylda öŋırdegı orman şaruaşylyǧy mekemelerınıŋ materialdyq- tehnikalyq bazasyn nyǧaituǧa qarjy bölındı. Biyl 62 tehnika men 80-ge juyq qūral alu közdelude. Orman jäne dala örtterın söndıru üşın 18 tonna janar-jaǧarmai qory daiyndalyp, 15 qadaǧalau mūnarasynda tūraqty kezekşılık ūiymdastyrylǧan.
Su basu qaupı bar 29 aimaqqa arnaiy tehnika, küş-qūraldary bar 135 jauapty mekeme bekıtıldı. Olarda 410 arnaiy tehnika jäne 1 234 adam küşı bar. Su tasqynyna qarsy materialdyq-tehnikalyq qor jetkılıktı, iaǧni 129,7 tonna janarmai, 95 110 qap jäne basqa da materialdar jinaqtalǧan. Yqtimal su tasqyny kezınde halyqty köşıru punktterı daiyn. Atap aitsaq, 61 evakuasiialyq jinaqtau jäne 71 evakuasiialyq qabyldau punktı bar.
Baspasöz qyzmetı