Ministr eŋ aldymen Kaspii teŋızı jaǧalauyndaǧy kurorttyq aimaqty damytu jäne turisterge qolaily jaǧdai jasauǧa baǧyttalǧan «Jyly jaǧajai» zäkırlık turistık jobasynyŋ jüzege asu barysymen, sondai-aq Kendırlıde salynyp jatqan jaŋa äuejaidyŋ qūrylysymen tanysty. Būl jobalar öŋırdıŋ kölık qoljetımdılıgın aitarlyqtai arttyryp, logistikany jaqsartuǧa jäne turister aǧynyn köbeituge mümkındık beredı.
Sonymen qatar Erbol Myrzabosynov turister arasynda keŋınen tanymal öŋırdegı bıregei tabiǧi eskertkış — Bozjyra şatqalyna bardy. Ministr onda vizit-ortalyq pen qonaq üi keşenın salu josparlanyp otyrǧan oryndy qarap şyqty. Būl nysandar ekologiialyq standarttardy saqtai otyryp, turizmdı tūraqty damytu aiasynda jüzege asyrylady.
2024 jyldyŋ qorytyndysy boiynşa öŋırdıŋ turistık salasynda qol jetkızılgen oŋ nätijeler atalǧan jobalardyŋ özektı ärı maŋyzdy ekenın körsettı.
Qazırgı taŋda öŋırdegı ornalastyru oryndarynyŋ sany 106-ǧa jettı, būl 2023 jylmen salystyrǧanda 5 nysanǧa köp. Jalpy turistık aǧyn 462 723 adamdy qūrady (+19%), onyŋ ışınde rezidentter – 419 854 adam (+20%), rezident emester – 42 869 adam (+6%). Al tösek-oryn sany 8 665-ke deiın ūlǧaidy (+6%), turisterge körsetılgen qyzmet kölemı 18,6 mlrd teŋgege jettı (+23%).
Sondai-aq turizm salasyndaǧy negızgı kapitalǧa salynǧan investisiia kölemı 14,2 mlrd teŋgenı qūrap, 2023 jylmen salystyrǧanda 52%-ǧa artty (2023 jyly — 5,7 mlrd teŋge).
Ministr Maŋǧystau oblysynyŋ Qazaqstanda turizmdı damytu üşın basym öŋırlerdıŋ qataryna kıretının atap öttı. Turistık infraqūrylymdy qalyptastyru, qyzmet körsetu sapasyn jaqsartu jäne tabiǧi resurstardy tūraqty paidalanu baǧytyndaǧy keşendı jūmys aimaqtyŋ turistık tartymdylyǧyn jaŋa deŋgeige köteruge mümkındık beredı.