Sporttyq sambodan asa auyr salmaqtaǧy Temırlan Kölbai (+98 kg) finalda moŋǧoliialyq sportşy Purevdorj Damdinchurennen basym tüstı. Otandasymyz jarys barysynda Kenichi Nakaiama (Japoniia), Bred Flores (Gonduras), Nūrbek Turaevty (Özbekstan) jartylai finalda Stepan Soldatenkovty (FIAS) ūtqan.
Sondai-aq bügın Qazaqstan qūramasynyŋ sportşylary 4 qola jüldege ie boldy.
Sporttyq sambo: Armat Qabdolov (58 kg), Arailym Äbenova (+80 kg)
Jauyngerlık sambo: Qūralai Kabraiqyzy (54 kg), Maratbek Rahmetollin (64 kg);
Biylǧy sambo bäsekesıne 80 memleketten 470 sportşy jinaldy. Al elımızdıŋ namysyn 28 otandasymyz qorǧaidy. Jalpy 10 qaraşaǧa deiın jalǧasatyn dodada sporttyq jäne jauyngerlık sambodan bölek, zaǧip jandar (SVI-1) 31 jülde jiyntyǧyn sarapqa salatyn bolady.
Biylǧy älem chempionatynyŋ erekşelıgı - äielder arasynda jauyngerlık sambo men zaǧiptardyŋ saiysy bırınşı märte engızıluı.
ÄCh-nyŋ jalpy jülde qory 311 myŋ AQŞ dollary (1-oryn - 4 000 dollar, 2-oryn - 3 000 dollar, 3-oryn - 2 000 dollar jäne zaǧiptar arasyndaǧy chempion - 1 000 dollar).
Osyǧan deiın Astanada 2005 jyly qaraşada sporttyq sambodan älem chempionaty ötıp, Ūlttyq qūrama 1 altyn, 3 kümıs, 6 qola medal jeŋıp alǧan.