Oiynnyŋ negızgı uaqytynda komandalar 3:3 esebımen teŋ tüsıp, qosymşa uaqytta Qazaqstan qūramasy 4:7 esebımen ese jıberdı, - dep habarlaidy ortalyqtyŋ baspasöz qyzmetı. «Oiyn barysy tartysty öttı. Qazaqstan sportşylary soŋǧy sekundtarǧa deiın joǧary deŋgeidegı oiyn körsettı. Alaida qarsylastarymyz osal bolmady. İran komandasy osymen ekınşı ret surdo futzaldan älem chempiony atanyp otyr. Estu qabıletı zaqymdanǧan sportşylar arasynda futzaldan alǧaşqy älem chempionaty Malaiziiada 2022 jyly ötıp, finalǧa Qazaqstan men İran şyqqan bolatyn. Ekı jyl būryn da elımızdıŋ sportşylary ekınşı orynǧa tūraqtaǧan edı. Degenmen ūlttyq qūramanyŋ därejesı ösıp, surdo futzalǧa elımızde qyzyǧuşylyq artyp kele jatqanyn aituǧa bolady. Qazırde osy sportpen elımızde 3000-nan astam sportşy qatysady. Elordada ötken älem bırınşılıgı surdo futzaldyŋ odan ärı damuyna äser etetındıgıne senemın. Jarysty ötkızuge qoldau körsetken Turizm jäne Sport ministrlıgıne, Dene mümkındıkterı şekteulı tūlǧalarǧa arnalǧan sporttyq daiarlau ortalyǧyna, SportQory jäne «Samūryq-Qazyna» AQ alǧys bıldıremız», - dedı Qazaqstan ūlttyq surdo futbol jäne futzal federasiiasynyŋ prezidentı Meirambek Mahambetov. Chempionat nätijesı boiynşa bırınşı oryndy İran, ekınşı oryndy Qazaqstan, al üşınşı oryndy Braziliia qūramasy ielendı. Aita ketsek, 21 jasqa deiıngı estu qabıletı zaqymdanǧan sportşylar arasynda surdo futzaldan älem chempionaty alǧaş ret Astanada 1-10 mausym aralyǧynda öttı. Jarysqa Ukraina, Braziliia, Qazaqstan, İran, Oman, Saud Araviiasy, Özbekstan, Täjıkıstan, Azerbaidjan jäne Tailand memleketterı qatysty.
Ärıptestık negızde