Bügın Qyzylorda oblysynda «Qūzyrettılık ortalyǧynda» Sport künıne arnalǧan saltanatty şara öttı. Oǧan oblys äkımı Mūrat Ergeşbaev, oblystyq mäslihat töraǧasy Mūrat Tleumbetov, ziialy qauym ökılderı men sport salasynyŋ ardagerlerı qatysty.
Aimaq basşysy salany damytuda atqarylyp jatqan jūmystarǧa toqtalyp, sportşylardyŋ jetıstıkterıne joǧary baǧasyn berdı.
«Barşaŋyzdy Sport künımen şyn jürekten qūttyqtaimyn! Sport – erık-jıgerdıŋ mektebı, mınezdı şyŋdaityn alaŋ, ūlt ruhyn köteretın küş.
Memleket basşysy Qasym-Jomart Kemelūly: «Qazaqstan – sport derjavasy boluǧa tiıs. Sol üşın bız maŋyzdy sport nysandaryn salyp jatyrmyz. Halyqtyŋ sportqa degen qyzyǧuşylyǧyn arttyru – bızdıŋ ortaq mındetımız» - dep atap ötken bolatyn.
Syr sportyndaǧy baiypty bastamalarymyz ben ömırşeŋ jobalarymyz respublika aumaǧynda ülgı retınde qoldanyluda. Bızdıŋ ortaq jetıstıgımız barşamyzǧa zor jauapkerşılık jükteidı.
Syr öŋırınıŋ sportşylary älemdık dodalar men
el bırınşılıkterınde ärdaiym jeŋıs tūǧyrynan körınıp, elımızdıŋ atyn älemge tanytuda.
Halyqaralyq arenada kök tuymyzdy kökke kötergen syrboiylyq sportşylar jyl basynan berı Älem, Aziia chempionattarynan 31 altyn, 16 kümıs, 22 qola medal jeŋıp aldy. Al el bırınşılıkterınde 120 altyn, 100 kümıs, 162 qola medalǧa qol jetkızdı.
Ötken aida Qytaidyŋ Hanchjou qalasynda ötken voleiboldy otyryp oinaudan Älem chempionatynda ūlttyq qūrama ökılderı qola jüldege ie boldy. Ūlttyq qūrama sapynda jerlesterımız Erik Qasqabaev, Şyŋǧys Medeuov, Erasyl Äbdıbek öner körsetıp, el namysyn abyroimen qorǧady. Şyŋǧys Medeuov Älem chempionatynyŋ «Üzdık oiynşysy» atandy.
Ötken aptada Germaniianyŋ Dortmund qalasynda ötken grek-rim küresınen halyqaralyq turnirde Syr maqtanyşy Aidos Sūltanǧali jeŋımpaz atanyp, el mereiın üstem ettı.
Künı keşe ǧana özımızdıŋ «Qaisar» futbol komandasy Qazaqstan Kubogynyŋ jartylai finalynda astanalyq «Jeŋıs» komandasyn jeŋıp, finalǧa joldama aldy. Būl jetıstıkter - memleket tarapynan jasalyp jatqan qoldaular men Sızderdıŋ tynymsyz eŋbekterıŋızdıŋ jemısı», - dedı Mūrat Nälqojaūly.
Saltanatty şarada voleiboldy otyryp oinaudan Älem chempionatynda qola jülde alǧan ūlttyq qūrama sapyndaǧy Syr sportşylaryna aimaq basşysy 1 mln teŋge qarjylai sertifikat tabystady.
Sondai-aq, sport salasynyŋ damuyna sübelı üles qosqan azamattar oblystyŋ Qūrmet gramotasymen, «Qyzylorda oblysynyŋ damuyna qosqan ülesı üşın» tösbelgısımen, oblys äkımınıŋ Alǧys hatymen, Turizm jäne sport ministrlıgınıŋ «Dene şynyqtyru men sportty damytuǧa sıŋırgen eŋbegı üşın», «Sport salasynyŋ üzdıgı» tösbelgısımen, Qūrmet gramotasymen, ministrdıŋ Alǧys hatymen marapattaldy.
Aita keteiık, soŋǧy tört jylda Syr öŋırınde Prezidentımızdıŋ, Ükımettıŋ erekşe qoldauymen, sol kezdegı aimaq basşysy Nūrlybek Maşbekūlynyŋ bastamasymen 11 myŋ oryndyq «Kaysar Arena» stadiony, Tennis, İnkliuzivtı sport ortalyqtary jäne 24 jaŋa sport nysany paidalanuǧa berıldı.
Qalanyŋ säulettık kelbetıne körık bergen jaŋa stadionǧa UEFA-nyŋ 4- sanattaǧy joǧary märtebesı berılıp, respublikalyq jäne halyqaralyq futbol oiyndaryn ötkızuge mümkındık aldy.
Oblys ortalyǧynda aumaǧy 25 myŋ şarşy metr «Qyzylorda Arena» köpbeiındı sport keşenınıŋ qūrylysy jürgızılude. Nysan jyl soŋyna deiın el igılıgıne berıledı dep josparlanuda.
Bügınde aimaǧymyzda 388 myŋnan astam tūrǧyn
būqaralyq sportpen jüielı şūǧyldanady. Sport rezervı men joǧary därejelı sportşylardy daiarlaityn 33 sport mektebınde 22 myŋnan astam şäkırt käsıbi baǧytta tärbielenedı.
Qyzylorda oblysy äkımınıŋ baspasöz qyzmetı