– 2022 jyly Qazaqstan Respublikasy Prezidentı Qasym-Jomart Kemelūly Toqaev şeşımımen 25 qazan – Respublika künı ūlttyq mereke bolyp bekıtıldı. Osyndai aituly mereke qarsaŋynda Semei qalasynda erekşe qajettılıkterı bar azamattar jäne ata-ana qamqorlyǧynsyz qalǧan balalar jaŋa päterlerdıŋ iegerlerı atanyp otyr. Şaŋyraqtaryŋyz berekege toly bolsyn!, - dedı qala basşysy Nūrbol Nūrsaǧatov.
Soŋǧy jyldary Semei qalasynda qūrylys qarqyny aitarlyqtai artyp, köptegen tūrǧyn üiler boi köterdı. Memleket basşysynyŋ qoldauymen 2023 jyly 211 otbasy jaŋa baspanaǧa qol jetkızdı. Al 2024 jyldyŋ basynan berı päter kezegınde tūrǧan 334 azamat baspanamen qamtamasyz etıldı.
Ata-anasynyŋ qamqorlyǧynsyz qalǧan O. Miroşchenko 2011 jyldan berı päter kezegınde tūrǧanyn aityp, zor yqylasyn jetkızdı. Bügın ol Qaraǧaily şaǧyn audanynda 57 şarşy metr, 2 bölmelı päterdıŋ iesı atandy.
Aita keteiık, tūrǧyn üi soŋǧy ülgıde, mümkındıgı şekteulı jandardyŋ kırıp şyǧuyna yŋǧaily etıp jasalǧan. Baspanaly bolǧan tūrǧyndar oblys jäne qala basşylyǧyna alǧystaryn bıldırdı.