Astana äuejaiynda sportşylarymyzdy dästürlı sadaq atu federasiiasynyŋ ökılderı, jaqyndary qarsy aldy.
«Älem kubogy degen atauy bolǧanymen, qatysuşylardyŋ sany jaǧynan älem chempionatynan kem bolmady. Eŋ basty auyz toltyrarlyqtai aitatyn nätijemız – jalpy esepte top jaruymyz.
Qarsylastar deŋgeiı de öte joǧary boldy. Oŋtüstık Koreia, Malaiziia, Australiia memleketterı de eş qalyspady. Bız būǧan deiın 30 jäne 70 metr qaşyqtyqtaǧy bäsekelerde saiysqa tüsetın edık. Osy joly bırınşı märte 90 men 145 metr qaşyqtyqta baq synadyq. Sonyŋ özınde 90 metrdegı komandalyq saiysta top jardyq. Qyr-syrlaryn tüsıne bastadyq. Endı kelesı jyly būl körsetkışterımızdı jaqsarta tüsuge tiıspız», - dedı dästürlı sadaq atudan ūlttyq qūramanyŋ bas bapkerı Dias Ahmetov.
Aita keteiık, 31 qazan – 4 qaraşa aralyǧynda ötken aituly bäsekede 32 memleketten 535 sportşy synǧa tüstı. Olar jamby (30 metr), puta (70 metr), tarksa (90 metr), kungda (145 metr) nysanalarynda jüldenı sarapqa saldy.
«Özderıŋız bıletındei, Parlament törınde 180 sport türın 60-qa deiın qysqarttyq. Ūlttyq sport türıne kıretın 11 sportqa da qarjy bölıp, qarailasatyn uaqyt keldı.
Mıne, ūlttyq qūramamyz oqu-jattyǧu jiynynan ötıp, tolyqtai kiım-keşekpen jasaqtaldy. 2025 jyldyŋ basty jarystarynyŋ bırı – älem kubogynda Qazaqstan eŋ üzdık ekendıgın resmi türde däleldei bıldı. Endıgı josparymyz – jeltoqsan aiynda dästürlı sadaq atudan forum ötkızıp, üzdıkterdı marapattau. Al 2026 jyly Qyrǧyzstandaǧy VI Düniejüzılık oiyndarǧa tyŋǧylyqty daiyndalyp, öz jerımızde Aziia kubogyn ūiymdastyrsaq degen oiymyz bar», - dedı sadaq atu federasiiasynyŋ prezidentı, QR Parlamentı Mäjılısınıŋ deputaty Nartai Aralbaiūly.
Qazaqstan qūramasy älem kubogynda 35 sportşysyn qosyp, nätijesınde 2 altyn, 4 kümıs, 3 qola medaldı jeŋıp aldy.
Olardyŋ arasynan Astana qalasynan Erbol Tapenov (90 metr, komandalyq saiysta altyn), Sabyrjan Fariza (30 metr, kümıs), Batihan Aikörkem (30 metr, kümıs) jülde tūǧyrynan körındı.