Qala prokuraturasynyŋ üilestıruımen elorda aumaǧynda azamattardyŋ qarajatyn tiıstı rūqsatsyz zaŋsyz tartu faktısı anyqtaldy. Qūrylys saluşy «INTER Stroy Astana» JŞS «QURMANGAZY» köpqabatty üi salu üşın üleskerlerdıŋ aqşasyn qabyldaǧan. Qūrylysqa tapsyrys beruşı obektıde jerge tiıstı qūqyq, zaŋda belgılengen tärtıppen saraptamadan ötken jobalau-smetalyq qūjattama, tehnikalyq jäne avtorlyq qadaǧalaulardy süiemeldeu jäne qūrylys-montajdau jūmystaryn jürgızudıŋ bastalǧany turaly habarlama bolmaǧan, osyǧan qaramastan qūrylys-montajdau jūmystaryn bastady, būl öz kezegınde «Säulet, qala qūrylysy jäne qūrylys turaly» Qazaqstan Respublikasy Zaŋynyŋ talaptaryn būzu bolyp sanalady. Osylaişa, qūrylys saluşyǧa qatysty äkımşılık qūqyq būzuşylyq turaly hattama jasaldy, oǧan jol berılgen būzuşylyqtardy joiu turaly nūsqama berıldı. Berılgen nūsqamany oryndau üşın qūrylys saluşy erıktı türde zaŋsyz obektını būzu boiynşa ıs-şara jürgızedı.
Esterıŋızge sala keteiık, üleskerlerdıŋ qarajatyn tiıstı rūqsatsyz qabyldauǧa «Tūrǧyn üi qūrylysyna ülestık qatysu turaly» Qazaqstan Respublikasynyŋ zaŋnamasymen tyiym salynady, būl rette Qazaqstan Respublikasynyŋ Äkımşılık qūqyq būzuşylyq turaly Kodeksınıŋ 320-baby, sondai-aq Qazaqstan Respublikasy Qylmystyq kodeksınıŋ 214-baby boiynşa käsıpkerlık qyzmettıŋ tyiym salynǧan türlerımen ainalysqany üşın jauapkerşılık közdelgen.