Qyzylorda qalasynnyŋ sol jaǧalauynda oblys äkımı Nūrlybek Nälıbaev, Densaulyq saqtau ministrı Aqmaral Älnazarova, Parlament Mäjılısınıŋ deputattary Mūrat Äbenov, Marhabat Jaiymbetov, Mūrat Ergeşbaev, qūqyq qorǧau organdarynyŋ bırınşı basşylary, mäslihat deputattary jäne ziialy qauym ökılderı, el aǧalarynyŋ qatysuymen 500 keluşıge arnalǧan emhananyŋ ırgetasy qalandy.
Aimaq basşysy sol jaǧalauǧa qonystanuşylardyŋ sūranysyna säikes qūrylysy bastalǧan jaŋa nysan tūrǧyndardyŋ medisinalyq qyzmetke qoljetımdılıgın arttyratynyn atap öttı.
«Syr öŋırınde Prezidentımızdıŋ, Ükımettıŋ erekşe qoldauymen, jerlesterımızdıŋ bekem bırlıgınıŋ arqasynda baiypty bastamalar qolǧa alynyp, jasampaz jobalar ıske asyryluda. Densaulyq saqtau infraqūrylymyn odan ärı jetıldıru şaralary keşendı jürgızılıp keledı. 2022-2025 jyldary salaǧa 50 mlrd. 100 mln. teŋge qarjy bölındı, 26 mlrd. 400 mln. teŋgege 40 medisina nysany salynyp, paidalanuǧa berıldı.
«Auylda densaulyq saqtaudy jaŋǧyrtu» ūlttyq jobasy belgılengen josparǧa säikes tolyǧymen oryndalyp, 10 mlrd. 700 mln. teŋgege salynǧan 28 nysan halyq igılıgıne qyzmet etude.
Jaŋadan boi köteretın emhana da şipa ızdegen jandarǧa jylulyq syilaityn orynǧa ainalsyn! Ramazan aiy barşamyzǧa qūtty bolsyn! Orazalaryŋyz qabyl bolsyn!», – dedı Nūrlybek Nälıbaev.
Räsımde Aqmaral Şärıpbaiqyzy, Mūrat Nälqojaūly qūttyqtau söz söilep, Qazaqstannyŋ eŋbek sıŋırgen därıgerı Asylbek Toqmyrzaūly bata berdı.
Aita keteiık, sol jaǧalauda boi köteretın 500 oryndyq emhana tūrǧyndarǧa ambulatoriialyq-emhanalyq, diagnostikalyq jäne kündızgı stasionarlyq medisinalyq qyzmet körsetetın köpsalaly mekeme bolady. Mūnda jalpy jäne akuşerlık-ginekologiialyq tırkeu, pediatriia, mamandandyrylǧan jäne şūǧyl medisinalyq kömek, profilaktika jäne mektep medisinasy bölımderı qarastyrylǧan.
Sonymen qatar, nysan 50 tösektık kündızgı stasionar, därılık qamtamasyz etu bölımı, ortalyq sterilizasiia, kır juu orny, medisinalyq qaldyqtardy saqtau, oqu kabinetterı, 50 oryndyq auditoriia, 200 oryndyq konferens-zal jäne injenerlık-tehnikalyq infraqūrylymmen tolyq qamtamasyz etıledı.
@Qyzylorda oblysy äkımınıŋ baspasöz qyzmetı