Bügın Qyzylordadaǧy Memlekettık rämızder alleiasynda oblys äkımı Mūrat Ergeşbaevtyŋ qatysuymen 4 mausym – QR Memlekettık rämızderı künıne arnalǧan «Rämızder ruhy – Konstitusiianyŋ küşı» atty jalpyūlttyq patriottyq aksiia öttı.
Oǧan oblystyq mäslihat töraǧasy, oblys äkımınıŋ orynbasarlary, qūqyq qorǧau organdarynyŋ basşylary, oblystyq qoǧamdyq keŋes töraǧasy, ziialy qauym, saiasi partiialar, etnomädeni bırlestıkter, ükımettık emes ūiymdar, jastar ūiymdarynyŋ ökılderı qatysty.
Aksiia «Memlekettık rämızder – täuelsızdık simvoly» atty taqyryptyq prologpen aşyldy.
Aimaq basşysy jinalǧan qauymdy Memlekettık rämızder künımen qūttyqtap, el täuelsızdıgınıŋ basty nyşandarynyŋ tarihi mänı men maŋyzyna toqtaldy.
«Memleket basşysy: «Ūlt rämızderı – Täuelsızdıgımızdıŋ kielı boitūmary. Eltaŋba, Tu jäne Änūran – myzǧymas memlekettıgımızdıŋ belgısı. Qasterlı nyşandarymyz Qazaqstannyŋ egemen el, eŋselı jūrt ekenın jer jüzıne äigıleidı. Bairaǧy biık eldıŋ ruhy asqaq bolady», – dep atap öttı.
Bızdıŋ memlekettık nyşandarymyz Qazaqstandy küllı älemge beibıtşılık pen tatulyqtyŋ simvoly retınde därıpteude. Kök tuymyz halyqaralyq arenalarda, älemdegı alpauyt ūiymdardyŋ törınde Täuelsız Qazaqstannyŋ atyn tanytty. Aibynymyzdy asyrǧan Memlekettık rämızderdı qūrmettep ūlyqtau, keler ūrpaqqa amanat etu – bızdıŋ azamattyq paryzymyz.
Barşaŋyzdy Qazaqstan Respublikasynyŋ Memlekettık rämızderı künımen şyn jürekten qūttyqtaimyn! Täuelsızdıgımızdıŋ tūmaryna ainalǧan memlekettık nyşandarymyz bolaşaqqa bastaǧan ūly köşımızdı demep, igı ısterımızdıŋ ūiytqysy bola bersın! Bırlıgımız jarasyp, jarqyn bolaşaqqa basqan är qadamymyz nyq, el ırgesı berık bolsyn!», – dedı Mūrat Nälqojaūly.
Şarada hordyŋ süiemeldeuımen Memlekettık Änūran şyrqalyp, jergılıktı önerpazdar patriottyq änder oryndady.
Rämızder künıne arnalǧan aksiia ippodromda atty şerumen jalǧasty. Sondai-aq tötenşe jaǧdailar qyzmetkerlerı Syrdariia özenınde Memlekettık Tudy qaiyqpen alyp jürıp, mereke mazmūnyn aişyqtai tüstı.
Qyzylorda oblysy äkımınıŋ baspasöz qyzmetı