Bügın sol jaǧalaudaǧy «Qaisar Arena» stadionynda Qala künıne arnalǧan «Mereilı merekeŋmen, Qyzylorda!» atty gala-konsert öttı. Gala-konsert taqyryptyq prologpen bastalyp, onda qalanyŋ ekı ǧasyrlyq tarihy men bügıngı kelbetı, örleu joly qamtyldy.
Oblys äkımı Mūrat Ergeşbaev tūrǧyndardy merekemen qūttyqtap, öŋırdıŋ äleumettık-ekonomikalyq jetıstıkterıne toqtaldy.
«Prezidentımız Qasym-Jomart Kemelūly: «Qyzylorda – halqymyz üşın orny erekşe aimaq. Osy ölkede Şırık Rabat, Jankent, Syǧanaq qalalarynyŋ orny köne zamannyŋ özınde qazaq jerınde damyǧan qala örkenietı bolǧanyn aŋǧartady. Qyzylorda – sol äigılı qalalardyŋ zaŋdy jalǧasy», – dedı.
Būl – bır ǧasyr būryn Qazaq elınıŋ astanasy bolǧan, ūlt taǧdyryna qatysty maŋyzdy şeşımder qabyldanǧan qasiettı meken. Ekı ǧasyrlyq tarihy bar Qyzylorda topyraǧynda ūlt qairatkerlerı, Alaş arystary taǧdyrşeştı qadamdarǧa baryp, bolaşaqqa baǧdar jasaǧany tarihtan belgılı.
Qalamyzdyŋ bügıngı jaŋaruy men körkeiuı – sol tarihi sabaqtastyqtyŋ jalǧasy. Keiıngı jyldary äleumettık jäne injenerlık infraqūrylym jaŋǧyrtylyp, zamanaui nysandar el igılıgıne berılude. Öŋır ekonomikasynyŋ quatyn arttyratyn ırı investisiialyq jobalar jüzege asyryluda.
Qyzylordanyŋ körkeiuıne erekşe üles qosqan, bügınde Ükımet basşysynyŋ bırınşı orynbasary Nūrlybek Maşbekūly Sızderdı Qala künımen qūttyqtap, ystyq yqylasyn bıldırude.
Bügıngı mereilı mereke Özderıŋızge arnalady. Süiıktı qalamyz körkeie bersın! Qyzylordamyzdyŋ bolaşaǧy jarqyn, keleşegı kemel bolsyn! Arman-maqsattarymyz oryndalsyn! Halqymyz aman, bırlıgımız bekem bolsyn! Mereke qūtty bolsyn, qadırlı jerlester!» –dedı Mūrat Nälqojaūly.
Keşte elımızge tanymal öner ielerı İndira Elubaeva, Qazybek Qūraiyş, Ükıtai Erniiazov, Baljan Bidaş, «KESH YOU» toby jäne ALEM sahna törınde öner körsetıp, körermenderge köterıŋkı köŋıl küi syilady. Gala-konsert merekelık otşaşumen qorytyndylandy.
Keiıngı jyldary Qyzylorda qalasynyŋ infraqūrylymy jaŋaryp, äleumettık-ekonomikalyq damu qarqyny artyp keledı. Memleket basşysynyŋ, Ükımettıŋ qoldauynyŋ arqasynda ırı investisiialyq jobalar jüzege asyrylyp, jaŋa öndırıs oryndary aşyluda.
Sonymen qatar, tūrǧyn üiler men zamanaui äleumettık nysandar salynyp, el igılıgıne ainaldy. Biyl İnkliuzivtı sport ortalyǧy, «Dostyq üiı» jäne «Qūzyrettılık ortalyǧy» aşyldy. Sondai-aq «Ai-Kerım» oqu-sauyqtyru ortalyǧy men Botanikalyq baq paidalanuǧa berıldı.
Qazırgı taŋda Prezidenttık kıtaphana, drama teatr jäne bırqatar ırı medisinalyq nysan salynuda. «Taza Qazaqstan» jobasy aiasynda aşylǧan Prezident saiabaǧy tūrǧyndar men qala qonaqtarynyŋ süiıktı demalys ornyna ainaldy.
Qalanyŋ sol jaǧalauyn bailanystyratyn jaŋa avtojol köpırı men erekşe ülgıdegı jaiau jürgınşıler köpırınıŋ qūrylysy jalǧasuda. Prezident saiabaǧy maŋynda zamanaui akvapark qūrylysy da bastaldy. Jyl soŋyna deiın «Qyzylorda Arena» sport keşenın paidalanuǧa beru josparlanyp otyr.
Qyzylorda oblysy äkımınıŋ baspasöz qyzmetı