Aimaq basşysy Nūrlybek Nälıbaev öŋırde jüzege asyrylǧan ırı investisiialyq jobalardy atap ötıp, jinalǧan qauymdy jaŋa nysannyŋ aşyluymen qūttyqtady.
«Prezidentımız Qasym-Jomart Kemelūly: «Ekonomikany ärtaraptandyrudy tyŋ qarqynmen jalǧastyru kerek. Işkı jäne syrtqy naryqta bäsekege qabılettı, tereŋ öŋdelgen önım şyǧaruǧa basymdyq berıluge tiıs», – degen bolatyn.
Öŋırımızde qolaily investisiialyq klimat qalyptasyp, auqymdy jobalar jüzege asyryluda. 2022-2024 jyldary aimaq ekonomikasyna 1 trillion 600 mlrd. teŋgege juyq investisiia tartyldy.
Biyl 631 mlrd. 400 mln. teŋgeden astam investisiia tartu baǧytynda jūmys jürgızılude. Ötken 8 aida 408 mlrd. 200 mln. teŋge investisiia tartylyp, jospardyŋ oryndaluy boiynşa Qyzylorda oblysy respublikada bırınşı orynǧa şyqty. Jyl soŋyna deiın jaŋa jobalardy ıske qosu esebınen jospar 716 mlrd. teŋgege deiın artyǧymen oryndalady. Tıkelei şeteldık investisiia tartu boiynşa 280 mln. AQŞ dollary bekıtılgen, osy jyldyŋ II toqsanynda 172,9 mln. AQŞ dollary tartylyp, jospar 62%-ǧa oryndaldy.
Bügın öŋır ekonomikasyna tyŋ serpın beretın «Qyzylorda-Nan» serıktestıgınıŋ nan önımderı keşenınıŋ aşylu saltanatynda bas qostyq. Barşaŋyzdy jaŋa käsıporynnyŋ ıske qosyluymen şyn jürekten qūttyqtaimyn. Jobaǧa atsalysqan investorlarǧa, qūrylysşylarǧa, barlyq serıktes ūiymdarǧa alǧysymyzdy bıldıremız. Keşennıŋ jūmysy tabysty, öndırısı berekelı bolsyn! Egemen elımızdıŋ eŋsesı biık, Täuelsızdıgımız tūǧyrly bolǧai!», – dedı Nūrlybek Maşbekūly.
Räsımde oblystyq ardagerler keŋesınıŋ töraǧasy Serık Düisenbaev qūttyqtau söz söiledı. Aimaqtyŋ äleumettık-ekonomikalyq damuyna sıŋırgen eŋbegı, öndeu önerkäsıbı salasyna auqymdy investisiia salǧany üşın mesenat Neilia Jüsıpova Qyzylorda oblysynyŋ Qūrmet gramotasymen marapattaldy. Qyzmetkerlerge oblys äkımınıŋ Alǧys haty tabystaldy.
Qyzylordada alǧaş ret 1957 jyly ıske qosylǧan nan zauyty 1995 jylǧa deiın tūrǧyndardy sapaly önımmen qamtamasyz etken bolatyn. Araǧa otyz jyl salyp, būl igı dästür jalǧasyn tauyp, jaŋa keşen jūmysyn bastady.
Jalpy 5,6 milliard teŋge qarjy jūmsalǧan būl keşen – tek öndırıstık ǧana emes, äleumettık jäne ūlttyq maŋyzǧa ie ırı nysan. Bügınde mūnda 120 adam eŋbek etude, aldaǧy uaqytta jūmys oryndarynyŋ sany 170-ke deiın köbeiedı.
Keşenge memlekettık qoldau retınde 5 gektar jer telımı bölınıp, qajettı infraqūrylymmen qamtamasyz etıldı. Sonymen qatar, 1,2 milliard teŋge jeŋıldetılgen nesie berılıp, onyŋ paiyzdyq mölşerlemesı subsidiialandy. Bırınşı kezeŋde 3,1 milliard teŋgege zamanaui, tolyq avtomattandyrylǧan jabdyqtary bar tört öndırıstık seh ıske qosyldy. Aldaǧy jyly jobanyŋ ekınşı kezeŋınde 2,5 milliard teŋgege ūn kombinatyn salu josparlanǧan.
@Qyzylorda oblysy äkımınıŋ baspasöz qyzmetı