2026 jylǧy 4 mausymda Qyzylorda qalasyndaǧy Jastar resurstyq ortalyǧynda «Omirlik Maqsat» baǧdarlamasy aiasynda Ortalyq Aziianyŋ Euraziia Qorynyŋ (FESA) jäne Citi qorynyŋ qoldauymen jüzege asyrylyp jatqan «Qyzylorda öŋırındegı mügedek äielder men erekşe balasy bar analardyŋ qauıpsız ärı qoljetımdı baspanaǧa qol jetkızuın qoldau» jobasynyŋ tabysty keisterın tanystyruǧa arnalǧan qorytyndy ıs-şara öttı.
Is-şaraǧa memlekettık organdardyŋ ökılderı, mäslihat deputattary, ükımettık emes ūiymdar, sarapşylar, tūrǧyn üi salasynyŋ mamandary, käsıpkerler palatasynyŋ ökılderı, joba serıktesterı men benefisiarlar qatysty.
Kezdesudıŋ basty maqsaty – äleumettık osal toptardyŋ tūrǧyn üige qoljetımdılıgı mäselesın köterıp qana qoimai, naqty nätijeler men ömırın özgertken tabysty täjıribelerdı körsetu, tūrǧyn üi saiasatyn jetıldıruge baǧyttalǧan ūsynystar äzırleu boldy.
Şara barysynda «Aq bosaǧa» äielder qoǧamdyq bırlestıgınıŋ töraiymy Zeinara Täjieva joba aiasynda atqarylǧan jūmystar turaly baiandap, 2025 jyldyŋ şılde aiynan berı mügedektıgı bar äielder men erekşe qajettılıgı bar balalardy tärbielep otyrǧan analarǧa qūqyqtyq, psihologiialyq jäne äleumettık qoldau körsetu baǧytynda jüielı jūmystar jürgızılgenın atap öttı.
Is-şaraǧa arnaiy qatysqan Ortalyq Aziianyŋ Euraziia Qorynyŋ ökılı Äigerım Qarlybaeva jobanyŋ öŋırdegı äleumettık mäselelerdı şeşudegı maŋyzdylyǧyna toqtalyp, azamattyq qoǧam ūiymdarynyŋ bastamalary halyqtyŋ ömır sapasyn jaqsartuda maŋyzdy röl atqaratynyn atap öttı.
Qyzylorda oblysy qoǧamdyq damu basqarmasy basşysynyŋ orynbasary Artur Qambarov öŋırdegı äleumettık saiasattyŋ basym baǧyttary men äleumettık osal toptardy qoldau boiynşa atqarylyp jatqan jūmystar turaly baiandama jasady.
Jiynǧa qatysqan – zaŋger, baspanasyzdyq pen tūrǧyn üige jetkılıktılık qūqyǧy salasyndaǧy adam qūqyqtaryn qorǧauşy, halyqaralyq sarapşy Älışer Qojaǧūlov Qazaqstandaǧy tūrǧyn üi qūqyǧynyŋ özektı mäselelerıne toqtalyp, halyqaralyq täjıribe negızınde tūrǧyn üige qoljetımdılıktı arttyrudyŋ tiımdı tetıkterı turaly oi bölıstı. Sarapşy tūrǧyn üi mäselesı äleumettık ädılettılık pen adam qūqyqtarynyŋ maŋyzdy qūramdas bölıgı ekenın erekşe atap öttı.
Sonymen qatar Qyzylorda qalalyq jūmyspen qamtu jäne äleumettık baǧdarlamalar bölımı basşysynyŋ orynbasary Aigül Qiiasova äleumettık qyzmetter men memlekettık qoldau şaralary turaly baiandady.
Is-şaranyŋ eŋ äserlı bölıgı – joba benefisiarlarynyŋ naqty ömırlık oqiǧalary boldy. Joba qatysuşylary Aqmaral Dästenova, Särsenkül Aitjanova öz täjıribesımen bölısıp, qūqyqtyq süiemeldeu men äleumettık qoldaudyŋ arqasynda tūrǧyn üi mäselesın şeşuge baǧyttalǧan naqty mümkındıkterge qol jetkızgenın aitty. Onyŋ oqiǧasy köptegen analar üşın ümıt pen senımnıŋ jarqyn ülgısıne ainaldy.
Joba aiasynda käsıptık kurstardan ötken 20 qatysuşy qor tarapynan jariialanǧan şaǧyn grant konkursyna qatysyp, Ūzaqbaeva Lazzat, Dastenova Aqmaral 750 myŋ teŋge kölemınde öz käsıbın bastauǧa şaǧyn grant jeŋıp aldy. 4 qatysuşy baspanaly boldy.
Talqylau barysynda sarapşylar, memlekettık organ ökılderı jäne azamattyq qoǧam müşelerı halyqtyŋ äleumettık osal toptarynyŋ tūrǧyn üige qoljetımdılıgın arttyru boiynşa ūsynystaryn ortaǧa salyp, olardy tiıstı memlekettık organdarǧa joldau turaly şeşım qabyldady.
Joba ıske asyrylǧan uaqyt ışınde ondaǧan äiel men otbasy qūqyqtyq keŋes alyp, memlekettık baǧdarlamalarǧa qatysu mümkındıgıne ie boldy, äleumettık qyzmetterge qol jetkızdı jäne tūrǧyn üi mäselelerın şeşu boiynşa käsıbi süiemeldeumen qamtyldy.
Şara qorytyndysynda qatysuşylar baspana mäselesı tek tūrǧyn üimen qamtamasyz etu ǧana emes, ol adamnyŋ qauıpsızdıgı, äleumettık tūraqtylyǧy, balalarynyŋ bolaşaǧy jäne laiyqty ömır süru qūqyǧymen tıkelei bailanysty ekenın atap öttı.
«Aq bosaǧa» äielder qoǧamdyq bırlestıgı aldaǧy uaqytta da äleumettık osal toptardyŋ qūqyqtaryn qorǧau, tūrǧyn üige qoljetımdılıktı arttyru jäne qoǧamdaǧy äleumettık ädılettılıktı nyǧaitu baǧytyndaǧy jūmystaryn jalǧastyrady.