2022 jyldan berı 20 mädeniet nysany jaŋadan boi köterıp, el igılıgıne berılgen. Būl turaly oblys äkımı Nūrlybek Nälıbaev Ortalyq kommunikasiialar qyzmetınıŋ brifingınde baiandady.
«Öŋırde mädeniet salasynda soŋǧy 3 jylda 21 mädeniet nysany jaŋadan boi köterdı. Onyŋ 9-y auyldyq klub, 7-uı «Ruhaniiat ortalyqtary» jäne Anaǧa taǧzym, Otbasy, Öner ortalyqtary men oblystyq tarihi-ölketanu muzeiı.
«Auyl – el besıgı» baǧdarlamasymen biyl 2 auyldyq klub salynuda. Audandaǧy «Ruhaniiat ortalyqtarynda» muzei, kıtaphana, arhiv, neke qiiu zalyna, ardagerler men analar keŋesıne, jastarǧa, etnomädeni bırlestıkterge, ükımettık emes ūiymdarǧa tolyq jabdyqtalǧan jūmys kabinetterı aşyldy.
Qyzylorda qalasynda «Otbasy ortalyǧy», «Anaǧa taǧzym» ortalyǧy aşyldy. Köpfunksionaldy myŋ oryndyq «Öner ortalyǧy» şyǧarmaşylyq keşter, konsertter men qoǧamdyq ıs-şaralar ötetın orynǧa ainaldy.
Biyl Qyzylordanyŋ Qazaq AKSR astanasy bolǧanyna 100 jyl toldy. Atauly dataǧa orai 2 mlrd. 300 mln. teŋgege oblystyq tarihi-ölketanu muzeiınıŋ zamanaui jaŋa ǧimaraty boi köterdı.
Assambleianyŋ 30 jyldyǧy aiasynda Qyzylorda qalasynda «Qazatomönerkäsıp» ŪAK qoldauymen 3 mlrd. 800 mln. teŋgege salynǧan «Dostyq üiınıŋ» jaŋa ǧimaraty jaqyn künderı qoldanysqa berıledı.
Mädeniet salasynyŋ qyzmetkerlerıne köpqabatty tūrǧyn üi salynyp, 40 päter tabystaldy.
Jaŋadan simfoniialyq orkestr, inkliuzivtı teatr, jastar teatry, zamanaui bi, hor ūjymdary jasaqtaldy. Syr mädenietınıŋ negızgı brendı, jyraulyq dästür ökılderınıŋ otauy Jyraular üiı aşyldy», – dedı N.Nälıbaev.
Syr öŋırınde mädeniet, öner jäne ädebiet ökılderın qoldau maqsatynda «Tūran» syilyǧyn jyl saiyn tabystau dästürge ainalǧan.
Būǧan deiın Astana, Almaty qalalarynda Qyzylorda oblysynyŋ mädeniet jäne öner künderı öttı. Biyl Abai Qūnanbaiūlynyŋ 180 jyldyǧyna orai Abai, Şyǧys Qazaqstan oblystaryna da öner sapary ūiymdastyryldy.
Qyzylorda oblysynyŋ öner maitalmandary Nauryz merekesın, elımızdıŋ salt-dästürlerın halyqaralyq deŋgeide, atap aitqanda, İspaniia, Finliandiia, Estoniia elderınde nasihattady. Ūlttyq mereke Respublika künıne orai Şveisariianyŋ bırneşe qalasynda Qyzylordanyŋ mädeniet jäne öner künderı öttı.