Qyzylorda qalasynda qoǧamdyq dialogty aqparattyq süiemeldeu jäne jurnalistikadaǧy zamanaui täsılder mäselelerıne arnalǧan Jurnalister klubynyŋ keŋeitılgen otyrysy öttı.
Is-şaraǧa Jurnalister klubynyŋ müşelerı, etnostyq būqaralyq aqparat qūraldarynyŋ ökılderı, öŋırlık «Qoǧamdyq kelısım» mekemelerınıŋ baspasöz qyzmetkerlerı, jurnalister, media-sarapşylar, mediamenedjerler jäne blogerler qatysty.
Otyrys barysynda qatysuşylar qazırgı jurnalistikanyŋ özektı mäselelerın, qoǧammen aşyq ärı syndarly dialog qalyptastyrudaǧy medianyŋ rölın, sondai-aq qoǧamdyq maŋyzy bar üderısterdı aqparattyq süiemeldeudıŋ zamanaui täsılderın talqylady.
Is-şarada Jurnalister klubynyŋ töraǧasy, qoǧam qairatkerı Älışer Satvaldiev, Qyzylorda oblysynyŋ qoǧamdyq damu basqarmasynyŋ basşysy Ruslan Kaiupov jäne «Qoǧamdyq kelısım» RMM direktorynyŋ orynbasary Äsel Artakşinova söz söiledı.
Otyrystyŋ praktikalyq bölımı jurnalistık jäne aqparattyq jūmystyŋ zamanaui qūraldaryna arnaldy. Jurnalister klubynyŋ töraǧasy Älışer Satvaldiev qoǧamdyq-saiasi üderısterdı aqparattyq süiemeldeu mäselelerı boiynşa trening ötkızdı. Oblystyq Jurnalister jäne sarapşylar klubynyŋ töraiymy, PR-menedjer Elena Rybina «Media, PR jäne qoǧam: aşyq dialog mädenietı» taqyrybynda söz söiledı.
QR Energetika ministrlıgınıŋ resmi ökılı, PR jäne kommunikasiialar salasynyŋ mamany Äsel Serıkpaeva baspasöz qyzmetterınıŋ jūmysyna qatysty zamanaui täsılder turaly aityp berdı.
Baǧdarlamanyŋ ekınşı bölıgınde «Qoǧamdyq kelısım» RMM sarapşylary, Jurnalister klubynyŋ müşelerı Duman Mūhametqaliev pen Aqnūr Sämbet öŋırlık baspasöz qyzmetterınıŋ aqparattyq jūmysyna saraptama jürgızdı.
Mediatrener, Halyqline.kz aqparat agenttıgınıŋ jurnalisı ärı redaktory, Qazaqstan Jurnalister odaǧynyŋ müşesı Erdäulet Kaliev «Şeşımder jurnalistikasy. Öŋırlık mediadan qoǧamdyq maŋyzy bar materialǧa deiın» taqyrybyn tanystyryp, mazmūndy ärı auditoriia sūranysyna ie kontent jasaudyŋ zamanaui täsılderıne toqtaldy.
Sonymen qatar qatysuşylar Jurnalister klubyn odan ärı damytu, onyŋ täjıribe almasuǧa arnalǧan käsıbi alaŋ retındegı rölın arttyru, sondai-aq jurnalister, baspasöz qyzmetterı men media-sarapşylar arasyndaǧy özara ıs-qimyldy jetıldıru mäselelerın talqylady.
Kezdesu aşyq pıkırtalas jäne sūraq-jauap sessiiasymen qorytyndylandy. Qatysuşylar praktikalyq täjıribelerımen bölısıp, aqparattyq jūmystyŋ özektı mäselelerın talqylady jäne odan ärı käsıbi özara ıs-qimyl baǧyttaryn aiqyndady.
Jurnalister klubynyŋ keŋeitılgen otyrysy käsıbi dialog ornatuǧa, täjıribe almasuǧa jäne qarqyndy özgerıp otyrǧan aqparattyq ortadaǧy jūmystyŋ zamanaui qūraldaryn talqylauǧa arnalǧan maŋyzdy alaŋǧa ainaldy.