Bügın Qyzylorda qalasynyŋ ortalyq alaŋynda 12 tamyz – Halyqaralyq jastar künıne arnalǧan jastar onkündıgınıŋ qorytyndy şarasy öttı.
Onkündık «Jastarmen bırge!» atty auqymdy Open Air formatyndaǧy merekelık konsertpen tüiındeldı.
Aşyq aspan astynda ötken merekelık keşke 12 myŋnan astam qala tūrǧyny men jastar jinaldy.
Merekelık şaraǧa oblys äkımınıŋ orynbasary, Qazaqstan Respublikasy Prezidentınıŋ «Baiqoŋyr» keşenındegı arnauly ökılı Qairat Nūrtai qatysyp, öŋır jastaryn merekemen qūttyqtady.
«Jastar – eldıŋ erteŋın kütetın buyn ǧana emes, bügıngı qoǧamnyŋ qozǧauşy küşı. Mereke qarsaŋynda soŋǧy on kün ışınde öŋırımızde jastardyŋ bılımın jetıldıruge, şyǧarmaşylyq qabıletın şyŋdauǧa, qoǧamdyq belsendılıgın arttyruǧa jäne salauatty ömır saltyn nasihattauǧa baǧyttalǧan türlı ıs-şaralar ūiymdastyryldy.
Būl – jastar saiasatynyŋ bır kündık nauqany emes, jüielı ärı tūraqty baǧyt ekenın körsetedı. Syr jastary qai kezde de eldık bastamalardyŋ bel ortasynan tabylyp keledı», – dedı Qairat Yrzaqūlūly.
Jastar merekesıne arnalǧan onkündık aiasynda öŋır jastarynyŋ basyn qosqan qoǧamdyq, mädeni, sporttyq, şyǧarmaşylyq jäne tanymdyq baǧyttaǧy türlı ıs-şaralar ūiymdastyryldy.
Basty nazar jastardyŋ belsendılıgın arttyruǧa, azamattyq jauapkerşılıgın nyǧaituǧa jäne olardyŋ şyǧarmaşylyq äleuetın damytuǧa baǧyttaldy.
Sonymen qatar, «Taza Qazaqstan», «Zaŋ men tärtıp», «Adal azamat» qaǧidattaryn nasihattauǧa arnalǧan mazmūndy kezdesuler men türlı aksiialar, intellektualdyq oiyndar, pıkırtalas alaŋdary jäne şyǧarmaşylyq jobalar ötkızıldı.
Atalǧan bastamalar jastardyŋ bos uaqytyn tiımdı ūiymdastyrumen qatar, olardyŋ qoǧamdyq ömırge belsendı aralasuyna, jaŋa ideialary men bastamalaryn jüzege asyruyna mümkındık berdı.
Keş barysynda jergılıktı önerpazdarmen qatar, qazaq estradasynyŋ tanymal jūldyzdary MYNBAY, Qairat Tüntekov jäne Dosbol Nūrylla öner körsetıp, köpşılıkke tanymal änderın oryndady. Tanymal oryndauşylardyŋ önerı merekelık keştıŋ ajaryn aşyp, jastarǧa köterıŋkı köŋıl küi syilady.
Osylaişa, Halyqaralyq jastar künıne arnalǧan onkündık Qyzylordadaǧy auqymdy «Jastarmen bırge!» Open Air konsertımen qorytyndylanyp, jas buynnyŋ jalyndy ünı men şyǧarmaşylyq quatyn, belsendılıgı men köterıŋkı köŋıl küiın toǧystyrǧan jarqyn merekege ainaldy.