Memleket basşysynyŋ bastamasymen jüzege asyrylyp jatqan "Taza Qazaqstan" ekologiialyq jobasy aiasynda Qyzylorda oblysynyŋ Qazaly audanynda ekologiialyq jaǧdaidy jaqsartu, halyqqa jaily ömır süru ortasyn qalyptastyru jäne zamanaui demalys infraqūrylymyn damytu baǧytynda auqymdy jūmystar jürgızılude.
Qazaly mädeni-demalys keşenı – jaŋa tynys, jaŋa serpın.
Juyrda aşylǧan Qazaly mädeni-demalys keşenı audan tūrǧyndary men qonaqtarynyŋ süiıktı ornyna ainaldy. Keşen ekı negızgı bölıkten tūrady: Jeŋıs saiabaǧy jäne otbasylyq demalys saiabaǧy. Jeŋıs saiabaǧy Ūly Jeŋıstıŋ 80 jyldyq mereitoiyna orai aşylsa, otbasylyq saiabaqtyŋ aşyluy 5 mausym – Düniejüzılık qorşaǧan ortany qorǧau künıne tūspa-tūs keldı.
Keşen aumaǧynda «Qūrmettı azamattar» taqtasy, «Han taǧy», rotonda, pergola, fontan, şahmat jäne tennis üstelderı, jaryqtandyru jüielerı, velosiped jolaqtary, «Daŋq», «Taǧzym», «Kielı qazaq elı», «Ǧaşyqtar» alleialary, sporttyq alaŋdar jäne balalar oiyn alaŋdary ornatylǧan.
Sondai-aq, jeke käsıpkerlerdıŋ qoldauymen meiramhanalar, tamaqtanu oryndary, akvapark, attraksiondar, karting, batut syndy demalys jäne oiyn-sauyq nysandary da boi köterdı.
Keşen aumaǧyn kögaldandyru aiasynda 20 myŋǧa juyq aǧaş köşetterı – qaraǧai, aqqaiyŋ, tuia, katalpa, üieŋkı jäne jemıs aǧaştary otyrǧyzyldy.
Abattandyru – audan körkın arttyrudyŋ basty baǧyty.
Audan ortalyǧynda halyqqa qolaily jaǧdai jasau maqsatynda Ortalyq alaŋ, «Ruhaniiat» ortalyǧy aldyndaǧy skver syndy nysandar tolyq abattandyryldy. Jaŋa fontan, bruschatkalar, balalar jäne trenajer alaŋdary ornatylyp, audannyŋ säulettık kelbetı jaŋa deŋgeige köterıldı.
Qazaly temırjol vokzaly jaŋaruda.
Biyl säuır aiynda tarihi maŋyzy bar, 120 jyldyq Qazaly temırjol vokzalyna «Qazaqstan Temır Joly» ŪK AQ qarjylandyruymen kürdelı jöndeu jūmystary bastaldy. Joba aiasynda ǧimarat ırgetasy men qabyrǧalary nyǧaitylyp, şatyr, esık-terezeler tolyq jaŋartylyp, jolauşylarǧa arnalǧan kütu zaldary zamanaui standarttarǧa sai jabdyqtalady.
Mümkındıgı şekteulı jandarǧa arnalǧan qoljetımdılık elementterı men qauıpsızdık jüielerı ornatylady. Sonymen qatar, vokzal maŋyn kögaldandyru jäne bruschatka töseu jūmystary da qarastyrylǧan. Qazırgı taŋda jöndeu jūmystarynyŋ basym bölıgı aiaqtaluǧa jaqyn.
Būdan bölek, «Taza Qazaqstan» respublikalyq ekologiialyq jobasy aiasynda öŋırdıŋ barlyq eldı mekenderınde sanitarlyq tazartu, abattandyru jäne körkeitu-kögaldandyru jūmystary jürgızılude.
Bügıngı künge tazalyq şaralaryna barlyǧy 190 myŋnan asa (191 663) erıktıler, qoǧam qairatkerlerı, biudjet salasy men käsıporyn qyzmetkerlerı qatysty.
Nätijesımen 8 myŋ tonna (8 125) astam qoqys qaldyqtary şyǧarylyp, eldı mekenderdegı 471 skverler men parkter, 221 tarihi-mädeni eskertkışter,
998 äleumettık nysandar (mektepter, bala-baqşalar, sport, densaulyq saqtau jäne t.b.), 2 820 önerkäsıp jäne biznes nysandary, 35 su obektılerı (özender, kölder, jasandy su aidyndary, subūrqaqtar, aryqtar jäne t.b), men 23 124 köşelerdıŋ boiy
(4 025 köp qabatty üiler men 19 099 jer üilerdıŋ aulalary) tazartyldy. Oǧan 540-tan asa tehnika (545) jūmyldyryldy.
Jyl basynan oblys boiynşa 240 700 dana öŋırdıŋ klimatyna säikes jersınetın qaraǧaş, terek jäne syrtalynyŋ köşetterı egıldı.