Oblys äkımı Nūrlybek Nälıbaev Alǧys aitu künıne orai “Dostyq üiınde” tūrǧyndardyŋ qalypty tūrmys-tırşılıgın qamtamasyz etetın salalardyŋ qyzmetkerlerımen kezdestı.
Oǧan Parlament Senatynyŋ deputaty Ruslan Rüstemov, qūqyq qorǧau organdarynyŋ bırınşı basşylary, ziialy qauym ökılderı qatysty.
Aimaq basşysy jinalǧan jūrtşylyqqa qūttyqtauyn jetkızıp, eŋbek adamdarynyŋ märtebesı qaşanda biık ekenın aitty.
“Jarqyn köktemmen jarasym tapqan būl mereke adamdar arasyndaǧy syilastyq pen tılektestıktı, rizaşylyq pen şynaiy qūrmettı arttyrady. Aituly kün qarsaŋynda tūrǧyndardyŋ qalypty tūrmys-tırşılıgın qamtamasyz etetın salalarda künnıŋ ystyq-suyǧyna qaramai, uaqytpen sanaspai eŋbek etetın qyzmetkerlerge qūrmet körsetu üşın bas qostyq. Sondai-aq qasiettı Otanymyzdy qorǧauda patriotizmnıŋ naǧyz ülgısın körsetıp, özıne jüktelgen mındettı mültıksız oryndaityn aibyndy äskeri qyzmetşılerımızge, qūqyq qorǧau salasy qyzmetkerlerıne, syn saǧatta qaisarlyq tanytyp, özgenıŋ ömırın saqtau üşın öz basyn qaterge tıgetın ört söndıruşıler men qūtqaruşylarymyzǧa, şūǧyl medisinalyq kömek körsetetın jedel järdem qyzmetkerlerı men jol salasy mamandaryna, el igılıgı jolynda eŋbek etıp jürgen erıktılerımızge barşa Syr jūrtşylyǧynyŋ atynan zor rizaşylyǧymdy, şynaiy alǧysymdy bıldıremın!
Sızderdıŋ adal eŋbekterıŋız barlyq qūrmetke laiyq.
Prezidentımızdıŋ Jarlyǧymen jaŋa Konstitusiiaǧa arnalǧan Respublikalyq referendumdy 2026 jylǧy 15 nauryzda ötkızu turaly şeşım qabyldandy.
Būl – elımızdıŋ jarqyn keleşegı üşın öz taŋdauymyzdy jasap, qasterlı Otanymyzdyŋ berık negızın qalauǧa berılgen tarihi mümkındık.
Konstitusiia jobasynda Ūly Dalanyŋ myŋjyldyq tarihynyŋ sabaqtastyǧy saqtalyp, memlekettıŋ unitarly sipaty men şekarasyna, aumaqtyq tūtastyǧyna qol sūǧuǧa bolmaityny naqtylanǧan.
Eldıgımızdıŋ basty nyşany sanalatyn jaŋa qūjatta «Adam memleket üşın emes, memleket adam üşın» qaǧidaty aiqyndalǧan.
Ūltymyzdyŋ tarihyna altyn ärıppen jazylatyn saiasi maŋyzdy kezeŋde Syr jūrtşylyǧy jaŋa Konstitusiia jobasyn qoldaidy dep senemız.
Barşaŋyzdy osy ıske joǧary jauapkerşılıkpen belsendı atsalysuǧa şaqyramyn!
Täuelsız elımızdıŋ jarqyn bolaşaǧy jolyndaǧy eŋbekterıŋız jemıstı ärı tabysty bolsyn!”,- dedı N.Nälıbaev.
Jiynda Ruslan Rüstemov söz söilep, bırqatar sala mamandary oblys äkımınıŋ Alǧys hatymen marapattaldy.
Qyzylorda oblysy äkımınıŋ baspasöz qyzmetı