Qostanai oblysynda alkogolge täueldılıktı azaituǧa, qūqyq būzuşylyqtyŋ aldyn aluǧa jäne salauatty mädeni ortany qalyptastyruǧa baǧyttalǧan "Mädeni qoǧam" jobasy belsendı jüzege asyrylyp jatyr. Jobanyŋ eŋ maŋyzdy jetıstıkterınıŋ bırı — öŋırdegı 17 auyldyŋ alkogolden tolyq bas tartuy boldy. Būl auyldar salauatty ömır saltynyŋ ülgısın körsetıp, özge eldı mekenderge baǧdar bolyp otyr. Joba qoǧamdyq qoldaumen ıske asyrylyp jatyr. Qalalar men auyldarda qūrmettı aqsaqaldar, dın ökılderı, belsendı azamattardan qūralǧan qoǧamdyq komissiialar jūmys ısteidı. Olar alkogolge täueldı jandarǧa kömektesıp, ruhani qoldau körsetıp, tüsındıru jūmystaryn jürgızude. Sondai-aq "Mädeni qoǧam" aiasynda ışımdık satatyn oryndarǧa reidter ūiymdastyrylady. Reidke polisiia, erıktıler men BAQ ökılderı qatysady. Tüngı uaqytta nemese kämeletke tolmaǧandarǧa alkogol önımın satu boiynşa biyl jyl basynan berı 217 zaŋ būzuşylyq anyqtalǧan. Oblystyq PD bastyǧynyŋ orynbasary Amanjol Baizaqovtyŋ aituynşa, 7 aida mas küiınde jasalǧan qylmystar 3,3%-ǧa azaiǧan. Alaida qoǧamdyq tärtıptı jiı būzatyn, otbasylyq janjal şyǧaruşylar men ışımdık ışuge äues adamdardy baqylau jūmystary jalǧasuda. Jyl basynan berı sot 2600 adamǧa alkogol tūtynuǧa tyiym salu turaly şeşım şyǧarǧan, onyŋ ışınde üi jaǧdaiynda da. "Mädeni qoǧam" jobasy Qostanai oblysynda 2024 jylǧy qyrküiekten bastap jüzege asyryluda. Jobanyŋ basty maqsaty — qūqyq būzuşylyqtyŋ aldyn alu, ziiandy ädettermen küresu jäne salauatty mädeni ortany damytu. Oblys täueldılıkten azat qoǧam qūru jolynda senımdı qadamdar jasauda.
Aqparat közı Polisia.kz