Ol köktemgı su tasqynynan zardap şekken azamattarǧa kömektesu üşın jinalǧan 1,5 mlrd teŋgeden astam qarajatty jymqyrdy dep küdıktelude. Qaiyrymdylyqtyŋ negızgı bölıgı qymbat sän būiymdary men jyljymaityn mülıktı satyp alu maqsatyna paidalanyldy. Biyl köktemde ol elordadaǧy avtosalondarda 88 mln teŋgege "Mercedes-Benz S450", 80 mln teŋgege "Lexus LX-600" jäne 39 mln teŋgege "Haval" avtokölıkterın satyp aldy. Osy kezeŋde ol jalpy somasy 600 mln teŋgenı qūraityn elordanyŋ premium sanattaǧy "Akbulak Riviera", "Highvill Ishim Gold", "Kök Jailau" TK (tūraq oryndaryn qosa alǧanda), sondai-aq "Vela Village" kottedj qalaşyǧynda jyljymaityn mülık nysandaryn satyp aldy. Sonymen qatar, qazaqstandyqtardyŋ qaiyrymdylyqqa jıbergen qarajat esebınen Perizat Q. Dubai, Doha, London jäne Stambuldaǧy «St. Regis», «Shangri-La», «Palazzo Versace» jäne «Kempinski» siiaqty bes jūldyzdy qonaq üilerde demalǧan.
Būl elderde ol "Cartier" jäne "Louis Vuitton" siiaqty brendterdıŋ qymbat aksessuarlary men zergerlık būiymdardy satyp alyp, feşenebeldı meiramhanalarǧa baryp, iahtalardy jaldaǧan. Qylmystyq shemany jüzege asyru üşın dostary men tuystaryna 8% syiaqy berıp, qordyŋ aqşasy qolma-qol aqşaǧa ainaldyryp otyrǧan.
Osylaişa, Perizat Q. özınıŋ zaŋsyz äreketterımen erıktıler qozǧalysynyŋ bedelıne nūqsan keltırıp, onyŋ aşyqtyq pen adaldyq prinsipterıne kümän keltırdı jäne halyqtyŋ senıp tapsyrǧan qarajatyn talan-tarajǧa salǧan.
Küdıktı ūstaldy.
Eger sız Perizat Qairattyŋ alaiaqtyq äreketterınıŋ qūrbany bolsaŋyz Qarjylyq monitoring agenttıgıne nemese +7 (7172) 70-33-89 (qos.21384) telefon nömırı boiynşa habarlasuyŋyzdy sūraimyz.
Foto aşyq derekközderden alyndy