Tergeu amaldaryna sai, «KazStroiOpyt LTD» JŞS basşysy konsaltingtık qyzmet körsetu jeleuımen kommersiialyq ūiymdar üşın qūrylys jūmystary täjıribesın jasandy türde qalyptastyru shemasyn ūiymdastyrǧan.
«Elektrondyq depozitarii» jüiesıne oryndalǧan jūmystar men nysandardy paidalanuǧa beru turaly jalǧan aktıler engızılıp otyrǧan. Būl klient-kompaniialarǧa memlekettık satyp aluǧa qatysu kezınde negızsız artyqşylyqtar bergen.
Shema äleumettık jelıler men internet-platformalar arqyly belsendı türde jarnamalanǧan.
Qylmystyq top qūramyna 11 adam kırgen. Sonymen qatar, Şymkent qalasynyŋ Säulet, qala qūrylysy jäne jer qatynastary basqarmasynyŋ lauazymdy tūlǧalaryna jalǧan jūmys täjıribesın rastaǧany üşın zaŋsyz syiaqy jetkızıp otyrǧan deldaldar anyqtaldy.
Qylmystyq kırısterdı zaŋdastyru üşın baqylaudaǧy zaŋdy tūlǧalar paidalanylyp, olar arqyly aqşa qarajaty jinaqtalyp, qolma-qol aqşaǧa ainaldyrylǧan.
Qylmystyq tabys kölemı 490 mln teŋgeden asty.
Tergep-tekseru barysynda jalǧan jūmys täjıribesın alǧan jäne memlekettık satyp aluǧa qatysqan 56 kompaniia anyqtaldy. Tekseru jürgızu üşın materialdar uäkılettı organdarǧa joldandy.
Üş küdıktı qamauǧa alyndy, taǧy segız tūlǧaǧa qatysty eşqaida ketpeu jäne tiıstı mınez-qūlyq turaly qolhat türındegı būltartpau şarasy qoldanyldy.
Qylmystyq ıs sotqa joldandy.
Qazaqstan Respublikasy QPK-nıŋ 201-babyna säikes özge aqparat jariialauǧa jatpaidy.
Aita ketu qajet, mūndai qylmystar adal emes kompaniialarǧa memlekettık kelısımşarttarǧa qol jetkızuge mümkındık beredı. Būl sapasyz jobalardyŋ jüzege asu täuekelın arttyryp, adal biznes subektılerın teŋ emes jaǧdaiǧa qoiady.
QR QMA Baspasöz qyzmetı