Älemdık ekonomika adam eŋbegınıŋ sipatyn tübegeilı özgertuge bet būrǧan kezeŋde käsıptık jäne tehnikalyq bılım beru jüiesı joǧary tehnologiialyq ekonomikanyŋ negızgı tıregıne ainaldy. Qazaqstan tehnikalyq jäne käsıptık bılım beru (TjKB) salasyn damytu üşın jüielı jäne auqymdy reformalardy jüzege asyruda.
2025 jyly Jūmysşy mamandyqtary jyly aiasynda kolledjderge arnalǧan memlekettık bılım beru tapsyrysy 145 myŋ orynǧa deiın ūlǧaityldy. Onyŋ 70%-y tehnikalyq jäne tehnologiialyq baǧyttarǧa bölındı. Būl el ekonomikasynyŋ naqty sektoryna qajettı kadrlardy daiarlauǧa jasalǧan naqty qadam.
Jūmys beruşılermen bırlesıp 11 myŋnan astam bılım beru baǧdarlamasy äzırlendı. Olar käsıbi standarttar men WorldSkills talaptaryna negızdelgen, būl qazaqstandyq studentterdıŋ qūzyretterın halyqaralyq deŋgeige jetkızedı.
Ötken jyly Qazaqstannyŋ ūlttyq qūramasy Daniiada ötken EuroSkills Herning 2025 chempionatynda 7 «Üzdık medalon» ielendı. Būl - tehnikalyq bılım sapasynyŋ halyqaralyq deŋgeide moiyndalǧanynyŋ dälelı.
Aqparattyq tehnologiialar salasyndaǧy mamandyqtar boiynşa onlain-oqytu zaŋnamalyq türde engızıldı. Baǧdarlamalau, kiberqauıpsızdık, derekterdı taldau, jasandy intellekt negızderı siiaqty baǧyttar kolledjderde keŋınen oqytylady. Nätijesınde tülekter eŋbek naryǧyna tez beiımdeletın, bäsekege qabılettı maman bolyp şyǧady.
Qazırgı taŋda 43 myŋǧa juyq student käsıporyndardyŋ nysanaly memlekettık tapsyrysy aiasynda bılım aluda. Olardyŋ 8 myŋǧa juyǧy oquyn aiaqtap, tūraqty jūmysqa ornalasty.