Joǧary eksporttyq äleuetı bar qazaqstandyq kompaniialardyŋ önımderın tanystyru maqsatynda ūiymdastyrylǧan körmege «BB Partners» JŞS de öz önımderın tanystyrdy. Kompaniia direktory Bolat Amanbaevtyŋ aituynşa, mūndai bastamalar tek saudany ılgerıletıp qoimai, özara dostyqty da nyǧaita tüsedı.
Kompaniia aldaǧy uaqytta künıne 10 tonna süttı öŋdep, Qazaqstan naryǧyn ǧana emes, Qytai naryǧyn da baǧyndyrudy josparlap otyr. Osy maqsatta Almaty oblysy maŋyndaǧy Qoşmambet auylynan 10 gektar jer alynǧan. Zauytty ülkeitu jūmystary men jobalau maqsattary üşın 2,5 mlrd teŋge jūmsalǧan. Jylqy men tüielerden bölek, 1200 eşkıge arnalǧan ferma qūrylysy aiaqtalǧan.
2017 jyldan berı zamanaui tehnologiia kömegımen, atap aitqanda sublimasiia täsılımen «Neo milk» degen jalpy ataumen ūlttyq susyndardy kapsula türınde öndıretın «BB Partners» JŞS kompaniiasynyŋ joǧary sapada bie sütı negızınde daiyndalatyn – «Neo Saumal», tüie sütınen jasalatyn – «Shubat», al eşkı sütınen daiyndalatyn «Goat milk» jäne qūrǧatylǧan süt «Mama znaet» önımderı qytaidyŋ tauar öndıruşılerınıŋ nazaryn audaryp, qyzyǧuşylyǧyn tudyrdy. Qytaidyŋ biznes ökılderı kelısımşart jasasyp, aldaǧy uaqytta halqymyzdyŋ närlı de, qūnarly şipaly ūlttyq susyndaryn satyp aluǧa niet bıldırıp otyr.
Qytailyq biznes ökılderınıŋ aituynşa, Qazaqstan men Qytai auyl şaruaşylyǧy önımderın şyǧaru jäne öŋdeu salasy boiynşa özara tyǧyz yntymaqtastyq ornata alady. Qytai tūrǧyndarynyŋ qazaqstandyq tamaq jäne auyl şaruaşylyǧy önımderıne degen sūranysy joǧary, sol sebeptı, Qytai naryǧyn jaulap aluǧa qazaqstandyq tauar öndıruşılerdıŋ mümkındıgı jetedı.
Aita keteiık, 2017 jyly qūrylǧan «BB Partners» kompaniiasynyŋ öndırısı Almaty oblysynda. Kompaniia mūzdatyp, qatyru (sublimattau) ädısı arqyly keptırılgen sütten jasalǧan bıregei önımderdıŋ öndıruşısı ärı jetkızuşısı.
Süttı mūzdatyp keptıru – önımnıŋ bastapqy qūrylymyn būzbai, mūzdatu arqyly ylǧaldyǧyn joiu. Önımnen ylǧaldyŋ şamamen 70-90% öte tömen temperaturada alynady, al qalǧan bölıgı, iaǧni tabiǧi ylǧaldylyǧy oŋ temperaturada alynady. Mūzdatyp keptıru arqyly alynǧan süttıŋ taǧamdyq qūndylyǧyn baǧalau organoleptikalyq jäne biologiialyq qasietterınıŋ bastapqy önımnen erekşelenbeitının körsettı.
Önımder nemıs tehnologiiasymen älemdık halal standartyna sai jasalady. Barlyq önımderın Qazaq taǧamtanu akademiiasy maqūldanǧan, memlekettık tırkeuden ötken jäne QMDB Halal Damu sertifikatyn jyl saiyn alyp otyrady.
Önım şikızaty kompaniia menşıgındegı 500 jylqy, 300 Zaanen tūqymdas eşkılerınen alynady. 250 adamdy jūmyspen qamtyp otyrǧan kompaniia bolaşaqta jūmyskerler sanyn 500-ge deiın arttyrmaq.
Aqparat közı: Naryk.kz