Qarjylyq monitoring agenttıgı onlain-kazinolarǧa qyzmet körsetu üşın bırneşe eldıŋ aumaǧyn qamtityn dropperler jelısın qūrǧan qylmystyq toptardyŋ äreketıne tosqauyl qoidy.
Tergeu barysynda tölemderdı öŋdeumen ainalysqan deldaldardyŋ Qazaqstan, Özbekstan jäne Qyrǧyzstan azamattarynyŋ bank şottaryn paidalanyp, «drop-fermalar» ūiymdastyrǧany anyqtaldy.
Qazaqstanǧa kelgen şetel azamattaryna jeke säikestendıru nömırlerı (JSN) berılıp, olardyŋ atyna SIM-kartalar men bank şottary aşylǧan. Keiın bank qosymşalaryna kıruge rūqsaty bar ūialy telefondar osy şottar arqyly aqşa ainalymyn basqaratyn adamdarǧa berılgen.
Aqşa ainalymyn basqaru üşın oiynşylardan tölem qabyldauǧa, olardy avtomatty türde anyqtauǧa jäne ūtystardy töleuge mümkındık beretın P2P platformasy paidalanylǧan. Qylmystyq top müşelerı özara esep aiyrysu üşın kriptovaliutany da qoldanǧan.
Türkıstan oblysy men Almaty qalasynda Qazaqstan bankterınıŋ 89 kartasyn paidalanǧan Özbekstannyŋ üş azamaty ūstaldy. Olardan bank şottaryn basqaruǧa arnalǧan 20 telefon tärkılendı. Atalǧan kartalar arqyly jürgızılgen operasiialardyŋ jalpy kölemı 500 mln teŋgege jetken.
Jambyl oblysynda da bırneşe eldıŋ aumaǧynda äreket etken taǧy bır qylmystyq toptyŋ joly kesıldı. Onyŋ müşelerı Qyrǧyzstan men Özbekstan azamattaryn, sonyŋ ışınde kämeletke tolmaǧandardy tartyp, Taraz ben Almaty qalalarynda özge adamdardyŋ bank şottary arqyly aqşa ainalymyn jürgızetın jelı qūrǧan.
Tıntu barysynda 180 bank kartasy, 15 telefon, 26 SIM-karta, 50 myŋ AQŞ dollary, 27 myŋ USDT, tört avtokölık, qaru-jaraq jäne oq-därıler tärkılendı. Bank kartalaryna tüsken aqşanyŋ jalpy kölemı 9,8 mlrd teŋgeden asqan.
Sot bes küdıktını qamauǧa aluǧa sanksiia berdı.
Tergeu jalǧasyp jatyr. Özge mälımetter Qazaqstan Respublikasy Qylmystyq-prosestık kodeksınıŋ 201-babyna säikes jariia etılmeidı.
QMA baspasöz qyzmetı