Kolumbiianyŋ Bukaramanga qalasynda mektep oquşylary arasynda fizikadan 56-şy Halyqaralyq olimpiada (International Physics Olympiad, IPhO 2026) ötude.
Älemdegı eŋ bedeldı ziiatkerlık jarystardyŋ bırı sanalatyn olimpiada 4-12 şılde aralyǧynda ūiymdastyrylyp, biyl oǧan 90 elden 400-den astam üzdık jas fizik qatysuda.
Olimpiada aiasynda qatysuşylar teoriialyq jäne eksperimenttık kezeŋderden ötıp, kürdelı fizikalyq esepterdı şyǧaryp, zerthanalyq jūmystardy oryndaidy.
Oqu-jattyǧu jiyndarynyŋ qorytyndysy boiynşa jasaqtalǧan Qazaqstan ūlttyq qūramasynyŋ sapyna bes oquşy endı.
Olar:
Ämırbek Azatbekov - Astana qalasy Nūra audanyndaǧy fizika-matematika baǧytyndaǧy NIS-tıŋ 12-synyp oquşysy;
Iliias Qazymbek - Astana qalasyndaǧy Spectrum International School mektebınıŋ 12-synyp oquşysy;
Nūrgül Egenbergenova - Astana qalasyndaǧy NURORDA mektep-liseiınıŋ 11-synyp oquşysy;
Roman Cheremnov - Astana qalasy Nūra audanyndaǧy fizika-matematika baǧytyndaǧy NIS-tıŋ 11-synyp oquşysy;
Damir Qūrman - Almaty qalasyndaǧy «Miras» halyqaralyq mektebınıŋ 12-synyp oquşysy.
Ūlttyq qūramanyŋ jetekşılerı:
Samat Maqsūtov - PhD doktory, äl-Farabi atyndaǧy Qazaq ūlttyq universitetınıŋ aǧa oqytuşysy;
Älışer Erkebaev - fizikadan halyqaralyq olimpiadalardyŋ jüldegerı.
Anyqtama üşın: Fizikadan halyqaralyq olimpiada 1967 jyldan berı ötkızılıp keledı. Qazaqstan IPhO olimpiadasyna 1997 jyldan bastap tūraqty türde qatysyp keledı. 2025 jyly ūlttyq qūrama 2 kümıs jäne 3 qola medal jeŋıp aldy.