«Qazaq tılındegı multfilmder öte az, al YouTube siiaqty qoljetımdı platformalarda mülde joqtyŋ qasy. Bügınde būl ülken mäsele, öitkenı balalar teledidardan görı internet pen YouTube-ty köbırek taŋdaidy. Balalar "Sinii traktor" men "Maşa i Medved" siiaqty multfilmdermen şektelmei, sapaly ärı qyzyqty qazaqşa multfilmderdı köruı tiıs. Osy maqsatta, kelesı jyldyŋ biudjet jobasyn qarastyru barysynda, qazaq tılındegı multfilmder jasauǧa 350 million teŋge böludı jäne olardyŋ tek teledidarǧa emes, mındettı türde internetke, sonyŋ ışınde YouTube-qa jükteluın qamtamasyz etetın normany zaŋǧa engızdık. Būl balalardyŋ qazaq tılınde qyzyqty kontentke qol jetkızu mümkındıgın keŋeitedı dep senemız», - dep jazdy deputat özınıŋ telegram arnasynda.
Onyŋ aituynşa, älemdık hit multfilmderdı de memlekettık tılge audaryp, YouTube-qa jükteu maŋyzdy. Būl üşın avtorlyq qūqyq ielerımen auqymdy jūmys qajet. Äzırge būl mäsele tolyq şeşılgen joq, bıraq aldaǧy uaqytta osy baǧytta jūmystar jalǧasyn tappaq.