Prezidentke egıstık alqaptaryn ärtaraptandyru, şarualarǧa jeŋıldetılgen nesie beru tetıgın arttyru, auylşaruaşylyq tehnikalary lizingın damytu jūmystary jaiynda mälımet berıldı.
Aidarbek Saparov agroönerkäsıp keşenındegı öŋdelgen önım kölemın 70 paiyzǧa deiın arttyruǧa baǧyttalǧan şaralar qolǧa alynǧanyn baiandady. 2026 jyldyŋ alty aiynda taǧam önımderın öndıru 14,7 paiyzǧa ūlǧaidy. Auyl şaruaşylyǧynyŋ naqty kölem indeksı 4,4 paiyzǧa, sonyŋ ışınde egın – 7,7 paiyzǧa, mal şaruaşylyǧy 4,4 paiyzǧa östı.
Sonymen qatar eksport kölemı men şetelge şyǧarylatyn önım türlerı de köbeiıp keledı. Biylǧy qaŋtar-säuır ailarynda AÖK önımderınıŋ eksporty 3 milliard dollardy qūrady, būl byltyrǧy säikes kezeŋ körsetkışımen (2,2 milliard dollar) salystyrǧanda 36 paiyzǧa artyq. Jyl soŋyna qarai eksport kölemın 7,2 milliard dollarǧa deiın ūlǧaitu josparlanǧan.
Ministr Memleket basşysynyŋ tapsyrmasyn oryndau aiasynda qabyldanǧan Mal şaruaşylyǧyn damytu jönındegı keşendı jospardyŋ jüzege asyryluy turaly aqparat berdı. Barlyq sanattaǧy şaruaşylyqtardy qamtityn jeŋıldıkpen qarjylandyru jüiesı qalyptasty. Qabyldanǧan şaralar mal basyn köbeitudı, salanyŋ önımdılıgın köterudı jäne et önımderınıŋ eksportyn arttyrudy közdeidı. Jaiylymdyq mal şaruaşylyǧyn ılgerıletuge erekşe nazar audarylyp otyr.
Prezident tapsyrmasyn oryndau maqsatynda 2030 jylǧa deiın veterinariiany damytu jönındegı keşendı jospar bekıtıldı. Onyŋ aiasynda veterinarlyq qauıpsızdık jüiesın jetıldıru, salany qosymşa qarjylandyru jäne normativtık-qūqyqtyq bazany jaŋartu qarastyrylǧan. Agroönerkäsıp keşenın sifrlyq tūrǧydan transformasiialau jalǧasuda. «E-AÖK» bıryŋǧai sifrlyq platformasy bazasynda memlekettık aqparattyq jüieler men jaŋa sifrlyq servister bırıktırılıp jatyr.
Boljamǧa säikes, jyl soŋyna deiın auyl şaruaşylyǧyndaǧy jalpy önım kölemı 5,9 paiyzǧa artady. Taǧam önımderı öndırısın 9,5 paiyzǧa, susyn öndırısın 10,5 paiyzǧa ūlǧaitu közdelgen. Saladaǧy negızgı kapitalǧa 2,2 trillion teŋge investisiia salynbaq.
Kezdesu soŋynda Prezident auyl şaruaşylyǧynyŋ tiımdılıgın arttyru, qosylǧan qūny joǧary öndırıstı jandandyru, eksporttyq äleuettı keŋeitu jäne elımızdıŋ azyq-tülık qauıpsızdıgın nyǧaitu jönınde bırqatar tapsyrma berdı.
Aqorda.kz