Soŋǧy tört jylda Qaraǧandy oblysynda 31 qarjylyq piramida äşkerelenıp, olardyŋ zaŋsyz qyzmetı toqtatyldy. Alaiaqtyq shemalarǧa elımız boiynşa 100 myŋnan astam adam tartylǧan, onyŋ ışınde 5 myŋnan astamy — osy öŋırdıŋ tūrǧyndary. Tek biylǧy jyldyŋ özınde oblystyq Ekonomikalyq tergep-tekseru departamentı segız jaŋa qarjy piramidasyn anyqtady.
Būl turaly Qaraǧandy oblysynyŋ öŋırlık kommunikasiialar qyzmetınde ötken brifingte Ekonomikalyq tergep-tekseru departamentınıŋ tergeu basqarmasynyŋ basşysy Quat Izbanov mälımdedı. Onyŋ aituynşa, vedomstvo tört jyl ışınde 40 qylmystyq ıstı tırkegen. Azamattarǧa keltırılgen zalaldyŋ jalpy kölemı 2,1 milliard teŋgenı qūrap otyr.
— Qarjy piramidasyn qūru jäne basqaru — tergeu täjıribesınde eŋ kürdelı ärı qauıptı qylmystardyŋ bırı. Biyl bes myŋnan astam jäbırlenuşı tırkelgen alty qylmystyq ıstı tergep jatyrmyz, — dedı Quat Izbanov.
Jyl basynan berı ekı qylmystyq ıs boiynşa sot ükımı şyqty. Qarjy piramidasynyŋ qūrylymdyq bölımşelerın basqaryp, azamattardan 100 million teŋge jinaǧan ekı adam jauapqa tartyldy. Sottyŋ şeşımımen olardyŋ bırı 7 jylǧa bas bostandyǧynan aiyryldy, al ekınşısıne keltırılgen şyǧyndy tolyq ötegenı üşın 5 jyl şartty jaza taǧaiyndaldy.
Respublikalyq deŋgeide jūmys ıstegen bır qarjylyq shemanyŋ öŋır aumaǧynda tört bırdei keŋsesı bolǧan: ekeuı Qaraǧandyda, bıreuı Temırtauda, bıreuı Balqaşta. Onyŋ qyzmetı toqtatylyp, ıs sotqa joldandy.
Tergeu jūmystarymen qatar, departament qarjy piramidalarynyŋ aldyn alu baǧytynda aqparattyq-tüsındıru şaralaryn da belsendı jürgızude. Mamandar mektepter men joǧary oqu oryndarynda därıster oqyp, jergılıktı atqaruşy organdar men olardyŋ qūrylymdyq bölımşelerınde kezdesuler ötkızıp keledı. Sondai-aq ūiymdardyŋ qarjy piramidasynyŋ belgılerıne ie ekenın tekseruge mümkındık beretın Baiqa, piramida! atty Telegram-bot äzırlengen.
Alaida barlyq eskertu men tüsındıru jūmystaryna qaramastan, tūrǧyndardyŋ kümändı jobalarǧa qyzyǧuşylyǧy älı de bäseŋdemei tūr.
— Bız aqparattyq-tüsındıru jūmystaryn jüielı türde jürgızıp kelemız, degenmen azamattar älı de bolsa kümändı jobalarǧa aqşa saluyn toqtatpai otyr, — dep atap öttı Quat Izbanov.
Jarty jyl ışınde qarjy piramidasynyŋ belgılerı bar myŋnan astam internet-resurs būǧattaldy. Sonymen qatar, departament qyzmetkerlerı esırtkı, zaŋsyz alkogol önımderı jäne özge de tyiym salynǧan tauarlardy jarnamalaityn saittarǧa qoljetımdılıktı şekteu jūmystaryn qatar jürgızude.