Keŋeske Jambyl oblysynyŋ äkımı Erbol Qaraşökeev, Türkıstan oblysynyŋ äkımı Nūralhan Köşerov, Qyzylorda oblysynyŋ äkımı Nūrlybek Nälıbaev, Şymkent qalasynyŋ äkımı Ǧabit Syzdyqbekov, sondai-aq ūlttyq ekonomika vise-ministrı Bauyrjan Omarbekov pen qarjy vise-ministrı Abzal Beisenbekūly qatysty.
Äkımdıkterge jaŋa Biudjet kodeksı aiasynda Öŋırlık standarttar jüiesın eskere otyryp, biudjettık josparlau erejelerı tüsındırıldı.
2024 jyldyŋ qorytyndysy boiynşa Öŋırlık standarttar jüiesı boiynşa nysandarmen jäne qyzmettermen qamtamasyz etu deŋgeiı: Jambyl oblysynda – 74,1% (el boiynşa 4-oryn), Türkıstan oblysynda – 66,3% (14-oryn), Qyzylorda oblysynda – 66,8% (6-oryn), Şymkent qalasynda – 87,9% (2-oryn). Jalpy alǧanda, barlyq oŋtüstık öŋırlerde būl körsetkış respublikalyq ortaşa deŋgeiden – 66,1% – joǧary.
Oŋtüstık öŋırlerdegı ekonomikalyq ösudıŋ negızgı qozǧauşy küşı – auyl şaruaşylyǧy, şaǧyn jäne orta biznes. Būl öŋırler azyq-tülık önımderınıŋ ırı öndıruşılerı jäne elımızdıŋ azyq-tülık qauıpsızdıgın qamtamasyz etuge üles qosyp otyr. Degenmen, öŋırler üşın negızgı mäselelerdıŋ bırı – infraqūrylymdy jaŋǧyrtu.
Keŋes barysynda Qanat Bozymbaev infraqūrylymdyq jobalardy josparlau Öŋırlık standarttar jüiesınıŋ körsetkışterın qataŋ eskere otyryp jüzege asyryluy qajet ekenın eske saldy.
Öŋırlık deŋgeidegı teŋgerım men aiyrmaşylyqtardy azaitu maqsatynda vise-premer äkımdıkterge Ūlttyq ekonomika ministrlıgınıŋ biudjettık investisiialyq jobalardy basymdyq boiynşa ırıkteu jönındegı ädıstemelık ūsynymdaryn eskere otyryp, artta qalǧan eldı mekenderdı bırınşı kezekte qarjylandyru turaly şeşım qabyldaudy tapsyrdy.
«Auyl amanaty» jobasy aiasynda Jambyl oblysynda şamamen 10 myŋ jūmys ornyn qūrudy közdeitın boljamdy investisiialyq jobalar, Qyzylorda oblysynda 8 myŋ jūmys ornyn, Türkıstan oblysynda 23 myŋ jūmys ornyn aşuǧa baǧyttalǧan jobalar qalyptastyryldy. Qanat Bozymbaev olardyŋ ıske asyryluyn jedeldetudı tapsyrdy. Ūlttyq ekonomika ministrlıgıne Qarjy, Eŋbek jäne halyqty äleumettık qorǧau ministrlıkterımen jäne oblys äkımdıkterımen bırlese otyryp, «Auyl amanaty» jobasyn qarjylandyru mäselesın pysyqtaudy tapsyrdy.
Sapar aiasynda Qanat Bozymbaev Qazaq ūlttyq su şaruaşylyǧy jäne meliorasiia universitetıne baryp, oqu ornynyŋ oqytuşylarymen kezdestı. Keiın Taraz qalasyndaǧy jaŋa şaǧynaudandaǧy köpqabatty tūrǧyn üilerdıŋ qūrylysy jäne Tüite kanaly jaǧalauyn abattandyru jūmystarymen tanysty.