Qazaqstan Respublikasy Sauda jäne integrasiia ministrlıgınıŋ Tehnikalyq retteu jäne metrologiia komitetı Qyzylorda oblysynyŋ Aral audanynda ornalasqan "Qamystybas balyq pitomnigı" RMQK qyzmetınde ölşem bırlıgın qamtamasyz etu salasyndaǧy zaŋnamany būzuşylyqtardyŋ anyqtalǧany turaly habarlaidy.
Komitettıŋ aumaqtyq bölımşesı jürgızgen josparly tekseru barysynda tekseru turaly qoldanystaǧy sertifikattarsyz ölşeu qūraldaryn paidalanǧan. Zaŋnamanyŋ būzyluy januarlar düniesın qorǧauǧa, ösımın molaituǧa jäne paidalanuǧa, orman şaruaşylyǧyn jürgızuge, sondai-aq tabiǧi su resurstarymen jūmys ısteuge bailanysty qyzmettı jüzege asyru kezınde senımsız ölşeu qūraldaryn paidalanǧany anyqtaldy.
"Ölşem bırlıgın qamtamasyz etu turaly" Qazaqstan Respublikasy Zaŋynyŋ talaptaryna säikes memlekettık metrologiialyq baqylauǧa jatatyn ölşeu qūraldary paidalanuǧa berılgenge deiın, jöndeu jürgızılgennen keiın jäne odan ärı paidalanu prosesınde mındettı türde tekserıluı tiıs.
Zaŋ būzu faktısı boiynşa mekemenıŋ lauazymdy adamy qoldanystaǧy zaŋnamaǧa säikes äkımşılık jauapkerşılıkke tartyldy. Qazırgı uaqytta käsıporyn anyqtalǧan zaŋ būzuşylyqtardy joiu jäne qyzmettı metrologiialyq normalarǧa säikes keltıru boiynşa şaralar qabyldauda.
Tehnikalyq retteu jäne metrologiia komitetı ölşem bırlıgın qamtamasyz etu salasyndaǧy, äsırese qorşaǧan ortany qorǧauǧa jäne tabiǧi resurstardy ūtymdy paidalanuǧa äser etetın qyzmettı jüzege asyru kezınde talaptardy saqtau qajettıgın eske salady.