"Taza Qazaqstan" ekologiialyq aksiiasy jäne "Zaŋ jäne Tärtıp" qaǧidatyn ıske asyru aiasynda Türkıstan oblysy polisiia departamentınıŋ qyzmetkerlerı köpşılık oryndardy abattandyru jäne lastau erejelerın būzudyŋ aldyn alu boiynşa profilaktikalyq jūmystardy jalǧastyruda. Qoǧamdyq tärtıptı qamtamasyz etu jäne qūqyq būzuşylyqtardyŋ aldyn alu maqsatynda jürgızılgen şarany poliseiler jergılıktı atqaruşy organdarmen bırlesıp ötkızdı. Atalǧan şara qoǧamdyq oryndarda jäne demalys aimaqtarynda reidtık şara jürgızuge ūlasty.
Sondai-aq tärtıp saqşylary tūrǧyndarǧa ekologiialyq normalardy saqtaudyŋ maŋyzdylyǧyn, abattandyru erejelerın būzuǧa jol bermeudı jäne qoqysty tek arnaiy belgılengen oryndarda tastau qajettıgın eske salady. Oblys aumaǧynda "Taza Qazaqstan" ekologiialyq aksiiasyn ötkızu kezınde polisiia qyzmetkerlerı barlyǧy 17 myŋnan astam qūqyq būzuşylyqty, onyŋ ışınde jalpy paidalanu oryndarynyŋ lastanuyna bailanysty 13 myŋnan astam faktını jäne abattandyru erejelerın būzudyŋ 4,3 myŋǧa juyq deregın anyqtady. Öz kezegınde poliseiler azamattardy zaŋ şeŋberınde äreket etıp, qorşaǧan tabiǧatty qorǧauǧa jäne tazalyq pen tärtıpke üles qosuǧa şaqyrady. Kez – kelgen qūqyq būzuşylyqqa "nöldık tözımdılık" - būl qoǧamdyq qauıpsızdıktı nyǧaituǧa jäne jaily orta qūruǧa baǧyttalǧan maŋyzdy qadam.
Aqparat közı Polisia.kz saitynda