Aldyn alu şaralaryn ötkızu barysynda polisiia qyzmetkerlerı qaladaǧy sauda oiyn-sauyq ortalyqtarynyŋ bırınde terminal janynda tūryp, bır uaqytta telefonmen söilesıp tūrǧan er adamdy baiqaidy. Er adamnyŋ derekterdı engızu kezınde uaiymdap, asyǧys äreket etuı kümän tudyrǧan. Poliseiler aralasyp, telefonnyŋ ar jaǧynda alaiaqtar boluy mümkın ekenın tüsındıruge tyrysqan. Alaida er adam aqşany audaruǧa tabandap tūryp alǧan. Telefon tūtqasyndaǧy özın "Tamara" dep tanystyrǧan äiel oǧan eşkımdı tyŋdamauǧa keŋes berıp, bırneşe minuttan keiın "qyzy" men "ūly" da äŋgımege qosylǧan. Keiın belgılı bolǧandai, bırneşe kün boiy alaiaqtar er adamǧa telefon şalyp, özderın polisiia qyzmetkerlerı retınde tanystyryp, onyŋ jinaqtary qauıpte ekenın aityp sendırgen. Aqşany "qūtqaru" üşın oǧan depozitten qarajatty şeşıp, "qauıpsız" esepşotqa audaru kerek bolǧan. Polisiia qyzmetkerlerınıŋ der kezınde äreket etuınıŋ arqasynda 1,3 million teŋgenıŋ audaryluyna jol berılmedı. Telefon jäne internet arqyly jasalatyn alaiaqtyqtyŋ, äsırese zeinetkerlerge baǧyttalǧan qylmystardyŋ köbeiuıne bailanysty Batys Qazaqstan oblysynda polisiia jäne jeke küzet qyzmetkerlerı bankomattar maŋynda jäne halyq köp jinalatyn oryndarda — eŋ aldymen sauda oiyn-sauyq ortalyqtarynda — aldyn alu şaralaryn jürgızude. Maqsat — "täuekel aimaǧynda" jedel äreket etu, alaiaqtarǧa aqşa audarudyŋ aldyn alu jäne halyqtyŋ habardarlyǧyn arttyru. Polisiia eskertedı: qūqyq qorǧau organdarynyŋ naǧyz qyzmetkerlerı eşqaşan aqşa audarudy talap etpeidı. Kümän tudyratyn kez kelgen qoŋyrau kezınde bırden “102” nömırıne habarlasuyŋyzdy sūraimyz.
Aqparat közı Polisia.kz saitynda