Bügıngı taŋda vaucherlık qarjylandyru Taraz (Jambyl oblysy), Türkıstan, Şymkent, Oral jäne Astana qalalarynda jüzege asuda. Mektepke deiıngı bılım berudı vaucherlık qarjylandyru jobasy belgılengen talaptarǧa sai bolǧan jaǧdaida barlyq mektepke deiıngı ūiymdarǧa, onyŋ ışınde jaŋadan aşylǧan ūiymdarǧa da memlekettık tapsyrysty ornalastyruǧa mümkındık beredı. Negızgı artyqşylyqtary: ata-analarǧa balabaqşany öz betınşe taŋdau mümkındıgı berıledı, būl jeke jäne memlekettık mektepke deiıngı ūiymdar arasynda dūrys bäsekelestıktı yntalandyrady. Jüie, eŋ aldymen, bükıl qarjylandyru prosesınıŋ aşyqtyǧyn qamtamasyz etedı, mūnda «aqşa ūiymǧa emes, balaǧa berıledı». Jaŋa jüie balabaqşaǧa kezekke tūru prosedurasyn jeŋıldetıp qana qoimai, sonymen qatar mūndaǧy türlı zaŋsyz faktorlardy joiady. Vaucherlık qarjylandyru qaǧidattarynyŋ bırı — serpındı bäsekelestık qūru jäne tiısınşe qyzmet körsetu sapasyn jaqsartu bolyp tabylatynyn atap ötken jön.
2025 jyldan bastap vaucherlık qarjylandyru jüiesı el aumaǧynda kezeŋ-kezeŋımen engızıle bastaidy.