Otan qorǧauşylar künı men Jeŋıs künı qarsaŋynda Batys Qazaqstan oblysy polisiia departamentınıŋ qyzmetkerlerıne 81 jaŋa qyzmettık avtokölıktı saltanatty türde tabystau räsımı öttı, – dep habarlaidy Polisia.kz. Is-şaraǧa oblys basşylyǧy, qūqyq qorǧau organdarynyŋ ökılderı jäne polisiia departamentınıŋ jeke qūramy qatysty. Batys Qazaqstan oblysynyŋ äkımı Nariman Töreǧaliev polisiia qyzmetkerlerın merekemen qūttyqtap, qoǧamdyq tärtıp pen azamattardyŋ qauıpsızdıgın qamtamasyz etudegı adal qyzmetterı üşın alǧysyn bıldırdı. Batys Qazaqstan oblysy polisiia departamentınıŋ bastyǧy Arman Orazaliev te jeke qūramdy merekemen qūttyqtap, polisiia qyzmetınıŋ qoǧamdyq tärtıp pen qauıpsızdıktı qamtamasyz etudegı maŋyzyn atap öttı.
Sonymen qatar Qazaqstan Respublikasy Işkı ıster ministrınıŋ atynan bırqatar qyzmetkerge joǧary käsıbilıgı, qyzmettık mındetterın ülgılı atqarǧany jäne halyq qauıpsızdıgın qamtamasyz etuge qosqan ülesı üşın alǧys hattar tabystaldy. Saltanatty räsım barysynda ışkı ıster organdarynyŋ jedel-tergeu bölımşelerıne arnalǧan 81 jaŋa qyzmettık avtokölıktıŋ kıltı tabystaldy. Avtoparktıŋ jaŋaruy azamattardyŋ ötınışterıne jedel äreket etuge jäne qyzmet tiımdılıgın küşeituge mümkındık beredı.
Aqparat közı Polisia.kz saitynda: https://polisia.kz/oralda-politsejlerge-zhanga-qyzmettik-avtokolikter-tabystaldy