Elımızdıŋ öŋırlerındegı oblystyq auruhanalardy auqymdy jaŋǧyrtu baǧdarlamasy şeŋberınde sūranysqa ie terapiialyq baǧyttar boiynşa 23 jaŋa bölımşe aşyldy.
Jaŋa bölımşeler eresekter men balalardyŋ arasynda qajettılıgı joǧary medisinalyq baǧyttar boiynşa qūryldy. Olar: revmatologiia, pulmonologiia, gastroenterologiia, endokrinologiia, gematologiia, nefrologiia jäne kardiologiia.
Joba 2024–2030 jyldarǧa arnalǧan densaulyq saqtau infraqūrylymyn damytu tūjyrymdamasy şeŋberınde jüzege asyrylyp, öŋır tūrǧyndary üşın mamandandyrylǧan medisinalyq kömektıŋ qoljetımdılıgın arttyruǧa baǧyttalǧan.
Jalpy alǧanda, master-josparlarǧa säikes elımızdegı 19 oblystyq köpbeiındı auruhanada, 15 oblystyq balalar auruhanasynda jäne 19 perinataldyq ortalyqta 2700 tösekke arnalǧan 55 jaŋa bölımşe aşu közdelgen.
Bügıngı künı olardyŋ ışınde: 7 revmatologiia bölımşesı; 4 pulmonologiia bölımşesı; 6 gastroenterologiia bölımşesı; 2 gematologiia bölımşesı; 3 endokrinologiia bölımşesı; 2 nefrologiia bölımşesı; 2 kardiologiia bölımşesı aşyldy.
Oblystyq balalar auruhanalarynda 302 tösekke arnalǧan 22 bölımşe aşu josparlanǧan. Onyŋ ışınde qazırdıŋ özınde 168 tösekke arnalǧan 9 bölımşe paidalanuǧa berıldı.
Sonymen qatar pulmonologiialyq, nevrologiialyq, otorinolaringologiialyq, oŋaltu, travmatologiialyq jäne palliativtık kömektı keŋeitu közdelgen.
2026 jyldyŋ 1-şı toqsanynyŋ qorytyndysy boiynşa elımızdıŋ oblystyq jäne qalalyq stasionarlarynda 59 895 pasient em qabyldady. Būl rette oblystyq deŋgeidegı stasionarlarda emdelgen pasientter sany ötken jyldyŋ säikes kezeŋımen salystyrǧanda 1 337 adamǧa artty.
Densaulyq saqtau ministrlıgı 2026 jyldyŋ basynan bastap oblystyq auruhanalardy jaŋǧyrtu baǧdarlamasyn qabyldap, ıske asyruda. Būl baǧdarlama densaulyq saqtau jüiesın keşendı jaŋǧyrtudyŋ bır bölıgı bolyp tabylady jäne elımızdıŋ barlyq öŋırlerınıŋ tūrǧyndaryna sapaly, qauıpsız ärı qoljetımdı mamandandyrylǧan medisinalyq kömek körsetetın zamanaui medisinalyq ūiymdar jelısın qalyptastyruǧa baǧyttalǧan.