Qazaqstan Respublikasynyŋ Premer-ministrı Oljas Bektenov Mitsui O.S.K. Lines kompaniiasy direktorlar keŋesınıŋ töraǧasy Takeşi Haşimoto bastaǧan Keidanren Japoniia biznes federasiiasynyŋ delegasiiasymen kezdesu ötkızdı.
Onda Prezident Qasym-Jomart Toqaevtyŋ 2025 jyldyŋ jeltoqsanyndaǧy Japoniiaǧa resmi sapary kezınde qol jetkızılgen uaǧdalastyqtardy damytuǧa qatysty sauda-ekonomikalyq jäne investisiialyq yntymaqtastyqty keŋeitu mäselelerı talqylandy. Sapar barysynda $3,7 mlrd-tan astam somaǧa 47 ekıjaqty kommersiialyq qūjatqa qol qoiylǧan bolatyn.
Oljas Bektenov Japoniia Qazaqstannyŋ Şyǧys Aziiadaǧy negızgı sauda-ekonomikalyq serıktesterınıŋ bırı ekenın atap öttı. Ötken jyldyŋ qorytyndysy boiynşa ekıjaqty tauar ainalymy $1,7 mlrd-tan asty. Elımızde japon kapitaly qatysatyn 68 käsıporyn bar. Qazaqstandyq naryqta INPEX, Marubeni, Sumitomo, Mitsui jäne taǧy da basqa kompaniialar tabysty jūmys ısteude.
Qazaqstan ozyq tehnologiialyq elderdıŋ bırı retınde Japoniiamen jan-jaqty yntymaqtastyqty keŋeituge müddelı. QR Ükımetınıŋ japon ärıptesterdıŋ qatysuymen jaŋa serpındı jobalardy jüzege asyruǧa, kapital tartuǧa, ozyq tehnologiialardy aluǧa jäne öndırısterdı lokalizasiialauǧa qajettı qoldau körsetuge daiyn ekendıgı atap ötıldı.
«Memleket basşysy Qasym-Jomart Toqaevtyŋ basşylyǧymen elımız auqymdy saiasi jäne ekonomikalyq özgerıster kezeŋıne aiaq basty. Jalpyūlttyq referendumda qabyldanǧan Konstitusiia syndarly halyqaralyq ärıptestıkke aşyq Ädılettı ärı Ozyq Qazaqstandy qūru baǧytyn bekıttı. Būl tūrǧyda Japoniiamen özara ıs-qimyl bız üşın erekşe maŋyzǧa ie. Bız sauda men investisiialardy keŋeituge ǧana emes, sonymen qatar ekonomikaǧa jaŋa tehnologiialar, zamanaui öndırıster men ūzaq merzımdı qūzyretter äkeletın bırlesken jobalardy ıske qosuǧa müddelımız», — dep atap öttı Oljas Bektenov.
Öz kezegınde Mitsui O.S.K. Lines kompaniiasy direktorlar keŋesınıŋ töraǧasy Takeşi Haşimoto Japoniia men Qazaqstan arasyndaǧy yntymaqtastyqty keŋeituge mol äleuet bar ekenın atap öttı.
«Qazaqstandaǧy sifrlyq transformasiianyŋ damu qarqyny erekşe äser qaldyruda. Qazaqstan – būl baǧytta tabysty ılgerılep kele jatqan jas memleket. Mūnda sifrlandyrudy damytuǧa üles qosyp jürgen jastar öte köp. Bız adami kapitaldy damytu, onyŋ ışınde IT jäne sifrlyq transformasiia salalary üşın joǧary bılıktı kadrlar daiarlau baǧytynda Qazaqstanmen yntymaqtastyqty jalǧastyruǧa müddelımız. Japon kompaniialarynyŋ ūzaqmerzımdı infraqūrylymdyq jobalardy jüzege asyruda mol täjıribesı bar. Bız sifrlyq jäne logistikalyq infraqūrylymdy damytuda, sondai-aq «jasyl» tehnologiialar salasynda yntymaqtastyqty keŋeitudıŋ zor äleuetın körıp otyrmyz. «Japoniia tau-ken önerkäsıbı üşın ekologiialyq qauıpsız şeşımderdı ūsynuǧa jäne Qazaqstan ekonomikasynyŋ tūraqty damuyna öz ülesın qosuǧa daiyn», – dep atap öttı Takeşi Haşimoto.
Kezdesu barysynda Orta dälızdı jäne Kaspii teŋızınıŋ porttyq infraqūrylymyn damytu, kölık-logistika salasy, energetika, sifrlandyru men jasandy intellekt, sondai-aq önerkäsıptık kooperasiia baǧyttaryndaǧy yntymaqtastyqty odan ärı keŋeitudıŋ äleuetı atap ötıldı. Qazaqstan japondyq biznestıŋ qatysuymen tehnologiialar transferıne, öndırıstı lokalizasiialauǧa jäne ekonomikalyq ösudıŋ jaŋa nüktelerın qūruǧa baǧyttalǧan bırlesken jobalardy jüzege asyruǧa müddelı.
Anyqtama: Keidanren – Japoniianyŋ ısker toptarynyŋ eŋ ırı jäne yqpaldy bırlestıgı. Federasiiaǧa 1574 kompaniia, 106 salalyq qauymdastyq jäne 47 aimaqtyq ekonomikalyq ūiym kıredı.
Ükımettıŋ baspasöz qyzmetı