Qazaqstan Premer-ministrı Oljas Bektenov Qarjy, Ūlttyq ekonomika ministrlıkterı jäne «Atameken» ūlttyq käsıpkerler palatasy basşylyǧynyŋ qatysuymen käsıpkerlıktı damytu mäselelerı jönınde keŋes ötkızdı.
Jiynda käsıpkerlık salasyndaǧy qazırgı jaǧdai, salyq reformasynyŋ aldyn ala nätijelerı jäne biznes subektılerınıŋ qyzmetın ädıl retteudı qamtamasyz etu şaralary qaraldy. Sondai-aq ıskerlık belsendılıkke, salalyq jäne öŋırlık körsetkışterge nazar audaryldy.
Qarjy ministrı Mädi Takievtıŋ baiandauynşa, I jartyjyldyq qorytyndysy boiynşa respublikalyq biudjetke korporativtık tabys salyǧynan tüsetın tüsımder 15,7%-ǧa artqan. Salalar arasynda oŋ serpın äsırese qarjy sektorynda jäne öŋdeu önerkäsıbınde baiqalady.
Sondai-aq bırınşı jartyjyldyq qorytyndysy boiynşa şaǧyn jäne orta biznes subektılerınıŋ sany şamamen 550 myŋǧa artty. Qarjy ministrlıgınıŋ derekterıne säikes, būl körsetkış özın-özı jūmyspen qamtyǧan azamattardyŋ qyzmetın zaŋdastyru jūmystarynyŋ nätijesınde qalyptasty. Būl rette özın-özı jūmyspen qamtyǧandar tek äleumettık tölemderdı jüzege asyra otyryp, salyq töleuden bosatylady. Sonymen qatar jaldanbaly jūmyskerlerı joq 260 myŋǧa juyq şaǧyn jäne orta biznes subektısı öz qyzmetın toqtatqan, būl biznestıŋ jasandy türde «bölşekteu» täjıribesınıŋ aitarlyqtai qysqarǧanyn körsetedı.
Sonymen qatar Salyq kodeksıne engızılgen özgerısterdı eskere otyryp, 2026 jylǧy 1 qaŋtardan bastap korporativtık tabys salyǧy boiynşa avanstyq tölemderdı töleu şegı 325 myŋ AEK-ten (1,4 mlrd teŋge) 600 myŋ AEK-ke (2,6 mlrd teŋge) deiın köterıldı. Nätijesınde jaŋa talaptarǧa säikes keletın käsıporyndar korporativtık tabys salyǧy boiynşa tüpkılıktı esep aiyrysudy jylyna bır ret jürgızedı. Osyǧan bailanysty 2026 jyldyŋ qorytyndysy boiynşa tüsetın tiıstı tüsımder 2027 jyldyŋ biudjetınde körsetıledı (būǧan deiın olar eseptı jyl ışınde ai saiyn tüsıp otyrǧan). Būl bizneske eseptılık kölemın qysqartuǧa jäne ainalym qarajatyn saqtap qaluǧa mümkındık beredı.
«Atameken» ŪKP töraǧasy Qanat Şarlapaev bizneske qatysty bırqatar mäselenı köterıp, ısker qoǧamdastyq atynan ūsynystar aitty. Sondai-aq ūlttyq ekonomika bırınşı vise-ministrı Azamat Ämrin pıkır bıldırdı.
Talqylau qorytyndysy boiynşa Oljas Bektenov ekonomikanyŋ tūraqty ösımın qamtamasyz etu jönındegı ortaq maqsatqa qol jetkızu üşın memleket pen biznes arasyndaǧy özara ıs-qimyldyŋ tiımdılıgın arttyru maqsatynda yntymaqtastyqty jalǧastyrudy tapsyrdy. Qarjy jäne Ūlttyq ekonomika ministrlıkterıne «Atameken» ŪKP-men bırlesıp, käsıpkerlık sektordyŋ jai-küiıne salalyq jäne öŋırlık bölınıste keşendı taldaudy ai saiyn jürgızıp, onyŋ nätijelerı boiynşa tiıstı aqparatty engızıp otyru tapsyryldy.