Onda joǧary deŋgeide qol jetkızılgen uaǧdalastyqtardy jüzege asyru mäselelerı talqylandy.
Kezdesu barysynda taraptar strategiialyq ärıptestık pen odaqtastyqqa negızdelgen Qazaqstan men Resei arasyndaǧy senım men syndarly dialogtıŋ joǧary deŋgeiın atap öttı. 2024 jyldyŋ qorytyndysy boiynşa özara sauda kölemı $27,8 mlrd-qa jettı, 2025 jylǧy qaŋtar-mamyrda $9,6 mlrd-ty qūrady.
«Memleketter basşylarynyŋ tapsyrmasy boiynşa bız özara sauda kölemın $30 mlrd-qa deiın ūlǧaitu boiynşa maqsatty jūmys jürgızıp jatyrmyz. İnvestisiialyq yntymaqtastyqta zor mümkındıkter bar. Jalpy, ekıjaqty özara ıs-qimyl mäselelerınıŋ keŋ auqymyn şeşude yntymaqtastyq jönındegı ükımetaralyq komissiianyŋ tiımdı qyzmetın atap ötkım keledı», – dedı Oljas Bektenov.
Ekı memleket arasyndaǧy ärıptestıktı tereŋdetu aiasynda osy jyldyŋ küzınde Oral qalasynda ötetın Qazaqstan men Reseidıŋ XXI Öŋıraralyq yntymaqtastyq forumynyŋ daiyndyq barysyna erekşe nazar audaryldy.
Kezdesu qorytyndysy boiynşa taraptar barlyq basym baǧyttar boiynşa ekı el arasyndaǧy özara tiımdı ekonomikalyq yntymaqtastyqty odan ärı tereŋdetuge daiyn ekendıkterın jetkızdı.