Memleket basşysynyŋ Joldauynda berılgen tapsyrmalardy oryndau jönındegı jalpyūlttyq ıs-şaralarda ırı investisiialyq jobalardy Soltüstık Qazaqstan oblysy täjıribesımen qarjylandyru közdelgen.
Baǧdarlamanyŋ maqsaty – AÖK-de jaŋa jobalar qūru nemese qoldanystaǧylardy keŋeitu. Negızgı baǧyty – tauarly süt fermalary, et baǧytyndaǧy qūs fabrikalary, mal şaruaşylyǧy käsıporyndary, kökönıs, jemıs saqtau qoimalary, önerkäsıptık jylyjai şaruaşylyǧy. Jün men terını tereŋ öŋdeitın, buyp-tüiu materialdaryn öndıretın käsıporyndardy, tauarly balyq, basqa da su januarlaryn ösıretın şaruaşylyqtardy, qoi fermalaryn örkendetuge basymdyq berılgen.
Ötken jyly Soltüstık Qazaqstan oblysynyŋ täjıribesı negızınde 5 jobaǧa, atap aitqanda, Qyzylorda qalasynda 2, Aral audanynda 3 jobaǧa respublikalyq biudjetten qarajat bölındı. Biyl taǧy 6 jobany jüzege asyru josparlanuda. Audandardaǧy äleuettı jobalardyŋ, iaǧni 11 jobanyŋ puly qalyptastyryldy.
Aimaq basşysy biylǧa qarastyrylǧan investisiialyq jobalardy 1 mamyrǧa deiın ūsynudy tapsyrdy. Odan bölek, 1 şıldege deiın 2026, 2027, 2028 jyldarǧa ūsynylatyn jobalar tızımın oblystyq auyl şaruaşylyǧy jäne jer qatynastary basqarmasyna joldau, respublikadan bölıngen qarajatty merzımınde ärı tolyq igerılu mındetteldı.
«İnvestisiia tartu Qyzylorda qalasy, audan äkımderınıŋ ärqaisynyŋ jeke jauapkerşılıgınde», – dedı N. Nälıbaev.