Sūhbat barysynda taraptar qazaq-europalyq yntymaqtastyqtyŋ jaǧdaiy men perspektivalaryn tolyqqandy talqylap, aǧymdaǧy jylǧy biık jäne joǧary deŋgeide josparlanǧan ekıjaqty saparlar men ıs-şaralar kestesın qarastyrdy. Halyqaralyq jäne öŋırlık kün-tärtıbınıŋ negızgı mäselelerı boiynşa pıkır almasu öttı.
M. Nūrtıleu Qazaqstannyŋ Europalyq odaqpen strategiialyq serıktestıktı odan ärı tereŋdetuge beiıldılıgın erekşe atap ötıp, sauda jäne investisiia, kölık-logistika, asa maŋyzdy şikızat, sifrlandyru sekıldı yntymaqtastyqtyŋ basym baǧyttary boiynşa qol jetkızılgen uaǧdalastyqtardy tiımdı jüzege asyrudyŋ maŋyzdylyǧyna nazar audardy.
Sonymen qatar Euroodaqtyŋ Qazaqstan azamattary üşın vizalyq rejimın jeŋıldetu mäselesıne erekşe nazar audaryldy. Taraptar būl baǧyttaǧy kelıssözderge daiyndyqty jalǧastyruǧa qatysty berık ūstanymyn rastady.
Öz kezegınde A.Simkich özara ıs-qimyldyŋ joǧary qarqynyn qūptap, ekıjaqty qarym-qatynastardy damytuǧa küş saluǧa daiyn ekenın bıldırdı. Kezdesu soŋynda taraptar ekıjaqty yntymaqtastyqtyŋ özektı mäselelerı boiynşa bailanystardy jalǧastyruǧa kelıstı.
Europalyq odaq – Qazaqstannyŋ negızgı sauda jäne investisiialyq ärıptesı. Aǧymdaǧy jylǧy qaŋtar-qaraşa aralyǧynda tauar ainalymy 44,2 mlrd AQŞ dollaryn qūrap, ötken jyldyŋ säikes kezeŋımen salystyrǧanda 17,7%-ǧa artty. 2005 jyldan berı Qazaqstan ekonomikasyna europalyq investisiianyŋ kölemı 180 mlrd dollarǧa jettı.
Aqparat: Qazaqstan Respublikasy Syrtqy ıster ministrlıgı