Käsıpker, mesenattyŋ aituynşa, partiia platformasynda pragmatikalyq şeşımder men naqty ısterge negızdelgen qūndylyqtar jazylǧan. Eŋ bastysy, barlyq ūstanymdar – halyqtyŋ äl-auqaty men tūrmys tırşılıgın odan ärı jaqsartuǧa baǧyttalǧan. Äsırese, auyl tūrǧyndary, agroönerkäsıp keşenın damytu, osy baǧyttaǧy nesieler men qarjylyq jeŋıldıkterdı qarastyru kün tärtıbınde tūrǧan mäsele dep atap öttı.
Maǧjan Abzalūly, jastardyŋ mümkındıgın barynşa paidalanyp, olardyŋ jan-jaqty damuyna jaǧdai jasau kezek küttırmei şeşetın mäsele dedı.
«... Menıŋ jeke pıkırım, oiym: jastar öte eŋbekqor dep sanaimyn. Nege dep sūrasaŋyz? Sebebı, qazırgı taŋda jastardyŋ bılımge degen qūştarlyǧy öte joǧary. Jasandy intellekt bar, sifrlandyru t.s. damu üstındemız. Osy baǧytta jastarymyz jaqsy jūmys ıstep jatyr. Ony özımızdıŋ mekemedegı jūmys barysynan da körıp jatyrmyz»
Maǧjan Eraliev, partiia bügıngı künnıŋ özektı degen mäselelerın bır sät te nazardan tys qaldyrmaidy dep atap öttı. «... Jasandy intellekt boiynşa öŋırlerdegı, auyldardaǧy barlyq azamattarymyz, iaǧni, 5 millionǧa juyq otandasymyz, ol synyp oquşysy bolsyn, student bolsyn, tıptı, jūmysker bolsyn, barlyǧyn osy jasandy intellekttı jaŋa qūrylǧan baǧdarlamalar men ädıstemelermen oqytu közdelgen. Olardy osy jasandy intellektpen tanystyru. Ärı qarai sifrlandyru arqyly öndırıske engızu. Tüiındei aitsaq, partiiamyz bos söz, haiptyŋ partiiasy emes, naqty ıstıŋ partiiasy deimız»
Tolyq nūsqa sıltemede: