Būl turaly Ras.kz tılşısı Euronews-ke sılteme jasap habarlaidy.
Jürgızuşı Bret Baiermen äŋgımelesu barysynda Harris immigrasiia jäne saiasi ūstanymdardy auystyru mäselelerıne qatysty aitty. Ol sondai-aq eger jeŋıske jetse, onyŋ prezidenttıgı Djo Baiden baǧytynyŋ jalǧasy bolmaitynyn atap öttı.
«Öte anyq aitaiyn. Menıŋ prezidenttıgım Djo Baiden prezidenttıgınıŋ jalǧasy bolmaidy jäne qyzmetke kırısken ärbır jaŋa prezident siiaqty men de öz ömırlık täjıribemdı, käsıbi täjıribemdı jäne tyŋ jaŋa ideialarymdy jetkızemın. Men köşbasşylardyŋ jaŋa buynynyŋ ökılımın», - dedı Harris.
Demokratiialyq partiiadan ümıtker Donald Trampty bırneşe ret synǧa alyp, özınıŋ maqsaty – «Tramptyŋ ritorikasynan zardap şekken soŋǧy onjyldyqtyŋ betın qaitaru» ekenın aitty.
Harris köşı-qon mäselesı boiynşa qatelıkterın moiyndap, būdan bylai şekarany zaŋsyz kesıp ötudı qylmys dep tanymaudy qoldamaitynyn atap öttı.
Tramp ştabynyŋ mälımdeuınşe, Harris naqty jauap bergen joq jäne qysymǧa eŋ joǧary deŋgeide jauap bere almaitynyn tanytty.
Osyǧan deiın Tramp osy joly jeŋılıp qalsa, qaitadan sailauǧa tüspeitının aitqan bolatyn.